جۇڭگو بيلىگى مەملەكەتتىك دارى-دارمەك شىعاراتىن Sinopharm كومپانياسى جاساعان كوروناۆيرۋستىق ۆاكسينانى جاپپاي قولدانۋعا شارتتى تۇردە رۇقسات بەردى.
اقپاراتقا سايكەس، ۆاكسينا ءۇش فازالىق سىناق كەزىندە 79% ءتيىمدى ەكەنىن كورسەتكەن. دەگەنمەن قوسىمشا مالىمەت جاريالانبادى.
قىتايدا جاسالعان بىرنەشە ۆاكسينا سوڭعى سىناق كەزەڭىندە جەدەل ليسەنزيا العاننان كەيىن قولدانىلۋدا.
پاندەميا 2019 جىلدىڭ جەلتوقسانىندا قىتايدىڭ ورتالىق ۋحان قالاسىندا پايدا بولدى.
سودان بەرى ول بۇكىل الەمگە تارالدى، ءبىراق جۇڭگو ۆيرۋسقا قارسى قاتاڭ شارالار قولدانۋ ارقىلى ينفەكسيانىڭ تارالۋ جىلدامدىعىن وتە تومەن دەڭگەيگە جەتكىزدى.
كوروناۆيرۋستىڭ شىعۋ تەگىن ىزدەۋ بەيجىڭدى باتىسپەن شيەلەنىسكە اكەلدى. اقش سياقتى ءبىرقاتار ەلدەر ۆيرۋس العاش پايدا بولعان كەزدە "قىتايدا تولىقتاي جاريالىلىق بولمادى" دەپ ايىپتادى.
پىكىر قالدىرۋ