قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ «تاۋەلسىزدىك بارىنەن قىمبات» ماقالاسى – حالقىمىزدىڭ وتكەنىنە مەن بۇگىنىن باعالايتىن، بولاشاعىنا باعدار بەرەتىن پاراساتتى باستاماسى جايىندا ءال-فارابي اتىنداعى قازۇۋ-دىڭ جوو-عا دەيىنگى دايىندىق كافەدراسىندا ۇستازدار ۇجىمى اراسىندا 6 قاڭتار كۇنى پىكىر سايىس (بۇل جايىندا مالىمەتتى www.kaznu.kz سايتىنان تولىعىراق بىلە الاسىزدار) ۇيىمداستىرىلدى.

پرەزيدەنت ءوز ماقالاسىندا تاۋەلسىزدىك العانىمىزعا بيىل وتىز تولاتىنىن، وسى جىلدار ىشىندە مەملەكەتىمىزدىڭ داعدارىسى مەن دامۋى الماسقان مەزگىل بولعانىن، تاريح اتتى شەجىرە اتامىزعا بۇل وتىز جىل قاس-قاعىم ءسات بولعانىمەن، ءبىزدىڭ ەلىمىز ءۇشىن تاۋەلسىزدىك تۇعىرىن تۇراقتاندىرعان، ۇلتتىق قۇندىلىقتارىمىزدى سارالاپ قالىپتاستىرعان قيىنشىلىقتى قۋانىشپەن الماستىرعان كەزەڭ ەكەندىگىنە توقتالا، ازاتتىقتىڭ وتىز جىلىن تۇتاس ءداۋىر رەتىندە قاراستىرىپ، ءۇش ۇلكەن كەزەڭگە بولەدى.

ءاربىر ونجىلدىقتىڭ مەملەكەتىمىز ءۇشىن وزىندىك ورنى بار ەكەنىن پاراساتتى تۇردە پايىمداپ، العاشقى ونجىلدىقتى جاس مەملەكەتىمىزدىڭ تاۋەلسىزدىك تۋىن تىككەن، مەملەكەتتىڭ ىرگەتاسىن قالاعان بەلەسى دەپ، اتا زاڭىمىز قابىلدانىپ، ۇلتتىق ۆاليۋتامىز – تەڭگەنىڭ قارجى اينالىمىنا ەنگەنىن، ەلىمىزدىڭ قورعانى قارۋلى كۇشتەرىمىز قۇرىلعان، ساياسي-ەكونوميكالىق ارەنادا الىس جانە تاياۋ شەتەلدىك ەلدەرمەن، ءتىپتى اقش، تۇركيا، جاپونيا، جۇڭگو، رەسەي، ساۋد ارابياسى الپاۋىت مەملەكەتتەرمەن ديپلوماتيالىق قاتىناستار ورناتىپ، الەمدەگى بەدەلدى حالىقارالىق ۇيىمدارعا مۇشە بولعانىن اتاپ ءوتىپ، العاشقى ونجىلدىقتا قازاقستان ءوزىنىڭ ازيا بارىسى رەتىندە تانىلا باستاعانى تۋرالى جانە بۇنداي ىزگىلىكتى قادامداردىڭ ەلىمىز ءۇشىن وتە ماڭىزدى بولعانىن تالداپ كورسەتەدى.

«قازاقستان-2030» ستراتەگياسى ەلىمىزدىڭ نارىقتىق ەكونوميكاعا كوشۋىنە، تاعدىردىڭ تالكەگىمەن، توتاليتارلىق جۇيەنىڭ تەپەرەشىنەن الەمگە تارىداي شاشىلعان قازاق حالقىنىڭ اتامەكەنىنە قايتا ورالۋىنا كەڭىنەن جول اشقان ۇلى كوشتىڭ باستاۋى بولعانىن جانە بۇل ۇلى كوش جوعالتقانىمىزدى تاۋىپ، جوعىمىزدى قايتا تاپقان ۇلتتىق رۋحىمىزدى كوتەرىپ ەل ەڭسەنىن تىكتەگەن ماڭىزدى بەلەس ەكەنىن باياندادى. كەلەسى ونجىلدىقتىڭ تاۋەلسىزدىگىمىزدى تۇعىرلى ەتەتىن ناقتى دا ماڭىزدى شارا – قۇرلىقتاعى بارلىق شەكارامىزدى ايقىنداپ، حالقىمىزدىڭ اسىل قازىناسى، اتا-بابا مۇراتىن، اماناتىن، تاريحىمىزدى قاستەرلەيتىن «مادەني مۇرا» باعدارلاماسى قابىلدانىپ، ەلىمىزدىڭ باستى ەكولوگويالىق ماسەلەلەرىنە باستى نازار اۋدارىلىپ، كەپكەن ارال تەڭىزىن قالپىنا كەلتىرۋ شاراسى قولعا الىنىپ، ەلىمىزدىڭ ەكونوميكاسى نىعايعانىن اتاپ ءوتتى.

ءۇشىنشى ونجىلدىقتاعى «قازاقستان-2050» ستراتەگياسى، ءار باعىت بويىنشا «ۇدەمەلى يندۋستريالىق-يننوۆاسيالىق دامۋ»، «نۇرلى جول» «100 ناقتى قادام» سەكىلدى كولەمدى يگى شارالاردىڭ جۇزەگە اسىرىلىپ، رۋحاني جاڭعىرۋدىڭ جاڭا كەزەڭى باستالعان ماڭىزدى كەزەڭ ەكەندىگىنە توقتالىپ، باستى باعدارلامالار مەن جوبالاردى «ماقالانىڭ «باعدا مەن بەلەس» اتتى تاراۋدى ناقتى اتاپ كورسەتتى. پرەزيدەنتىمىزدىڭ بۇل ماقالاسى حالقىمىزدىڭ وتكەنى مەن بۇگىنىنە ناقتى باعا بەرگەن، بولاشاعىنا باعدار بەرىپ، «جوڭعار شاپقىنشىلىعى كەزىندە «اق تابان شۇبىرىندى، القاكول سۇلامانى» باسىنان كەشكەن، پاتشالىق رەسەيدىڭ بودانى بولعان، كوممۋنيستتىك توتاليتارلىق جۇيەنىڭ دە «اشارشىلىق» پەن رەپرەسسياسىن، ۇلى وتان سوعىسىن باسىنان كەشكەن ءبىزدىڭ ەل ءۇشىن تاۋەلسىزدىكتىڭ ماڭىزى زور ەكەنىن، تاۋەلسىزدىك تۇعىرىنىڭ بەرىك بولۋى قازاقستان حالىقتارىنىڭ ىنتىماقتاستىعى مەن بەرەكە-بىرلىگىندە اتاپ كورسەتكەن، بولاشاق ۇرپاعىمىزدىڭ جارقىن بولاشاعى ءۇشىن ەڭبەك ەتۋگە شاقىرعان الەۋمەتتىك-تاربيەلىك ساياسي ءمانى زور ماقالا بولدى.

ر.ت.نارالييەۆا

ا.ك.بەگالييەۆا

ءال-فارابي اتىنداعى قازۇۋ-دىڭ اعا وقىتۋشىلارى