وتكەن جىلدىڭ سوڭعى كۇندەرىندە سۋىق حابار كەلدى. ابايدىڭ تىكەلەي ۇرپاعى، شوپشەگى – ايدار باعفۇر ۇلى اقىلبايەۆ دۇنيەدەن ءوتتى. سوڭعى ساپارعا شىعارىپ سالۋعا ابايدىڭ، قۇنانبايدىڭ ۇرپاقتارى جينالدى.

جانازاسىنا مادەنيەتتانۋشى مۇرات اۋەزوۆ، ديار قونايەۆ قاتىستى. اقىننىڭ تۇياعىمەن قوشتاسۋ ءۇشىن اباي ەلىنەن اباي اۋداندىق مادەنيەت ءبولىمىنىڭ باسشىسى ەلدار ورازالين كەلدى. ول مارقۇمنىڭ تۋىستارىنا شىعىس قازاقستان وبلىسىنىڭ اكىمىنىڭ، اباي اۋدانىنىڭ اكىمىنىڭ اتىنان كوڭىل ايتتى.

سۋىق حاباردى ەستىپ، سەمەيدەن الماتىعا ابايدىڭ "جيدەباي-بورىلى" مەملەكەتتىك تاريحي- مادەني جانە ادەبي-مەموريالدىق قورىق-مۇراجايىنىڭ ديرەكتورى تۇردىقۇل شاڭباي كەلدى.

ايدار باعفۇر ۇلى اقىلبايەۆ الماتىنىڭ  ورتالىق زيراتىندا شەشەسى عافۋرا راززاق قىزى، اعاسى باۋكەن باعفۇر ۇلىنىڭ جانىندا جەرلەندى.

جەرلەۋ راسىمىنەن كەيىن، ايدار اقىلبايەۆقا قۇران باعىشتالعان. كارانتين شارالارىنىڭ سەبەبىنەن، اسىنا كوپ ادامدى جيناۋعا مۇمكىندىك بولمادى.

ەڭ جاقىن تۋىستارى – ابايدىڭ تىكەلەي ۇرپاقتارى، بىرگە وقىعان دوستارى، ەلدەن كەلگەن تۇردىقۇل شاڭباي، ەلدار ورازالين جينالدى، مارقۇمدى ەسكە الدى.

تۇردىقۇل شاڭباي مەن ەلدار ورازالين بيىل وتكەن ابايدىڭ 175-جىلدىعى تۋرالى دا ەكى اۋىز ءسوز ايتتى.

ولاردىڭ ايتۋىنشا، اتى جامان اۋرۋدىڭ ىندەتىنىڭ كەسىرىنەن دۇركىرەگەن توي وتپەسە دە، بارلىق ايماقتاردا، سونىڭ ىشىندە ابايدىڭ ەلىندە كوپتەگەن ءىس-شارالار، ونلاين-كونفەرەنسيالار، كىتاپتاردىڭ تۇساۋكەسەرلەرى، چەللەندجتەر، كونسەرتتەر وتكەن.

كارانتين بولعاندىقتان، ولاردىڭ كوبىسى ونلاين-رەجيمىندە وتكەن. ابايدىڭ مەملەكەتتىك تاريحي-مادەني جانە ادەبي-مەموريالدىق قورىق- مۇراجايىندا رەمونت، رەكونسترۋكسيا، مودەرنيزاسيا جاسالدى.

مۇراجايدا ءۇش ءتىلدى ساندىق (ەلەكتروندىق) گيد باعدارلاماسى ورناتىلدى. دەمەك، مۇراجايدا ءۇش تىلدە ەكسۋرسوۆودسىز ەكسكۋرسيانى جاساۋعا بولادى. ابايدىڭ مۇراسىن ۇمىتپاۋ، ساقتاۋ، زەرتتەۋ، دارىپتەۋ ءۇشىن ۇكىمەت كوڭىلىن، قاراجاتىن ءبولىپ ءجۇر.

قازىرگى تاڭدا ابايدىڭ تىكەلەي ەركەك كىندىكتى ەكى-اق ۇرپاعى قالدى. ولار – ايداردىڭ ۇلى دانيار جانە ايداردىڭ اعاسى ەرنەستتىڭ ۇلى – ايدوس. ەكەۋى دە – ابايدىڭ ءدىلدادان تۋعان ۇلكەن ۇلى اقىلبايدىڭ ۇرپاقتارى. ايدوس اقىلبايەۆ ۋكراينادا تۇرادى.

دانيار اقىلبايەۆ – مۇحيتتانۋشى، جاسى ەلۋدىڭ شاماسىندا، ءۇش قىزدىڭ اكەسى.

ايدار اقىلبايەۆ – باعفۇر ءالىمقۇل ۇلى مەن عافۋرا راززاق قىزىنىڭ ءۇش ۇلىنىڭ كەنجەسى ەدى.

اعالارى – ەرنەست، باۋكەن.

ايدار اقىلبايەۆ 1949 جىلى الماتىدا تۋعان. پوليتەحنيكالىق ينستيتۋتتى ءبىتىرىپ، كوپ جىل ماڭعىستاۋ مۇڭاي وندەۋ سالاسىندا جۇمىس ىستەگەن. بەرتىنگى كەزدە الماتىعا كوشىپ كەلگەن.

اكەسى باعفۇر كەزىندە بايلاردىڭ ۇرپاعى، ابايدىڭ ۇرپاعى رەتىندە قۋدالاۋعا ۇشىرادى. اناسى عافۋرا راززاق ومارحان ۇلى اۋەزوۆتىڭ قىزى. راززاق – مۇحتار اۋەزوۆتىڭ تۋعان اعاسى ەدى. دەمەك، ايدار اقىلبايەۆ ءھام ابايدىڭ ۇرپاعى، ءھام اۋەزوۆ اۋلەتىنىڭ جيەنى ەدى. باعفۇر مەن ۇلكەن ۇلى ەرنەست ۇزىناعاشتىڭ ماڭايىندا ورنالاسقان مىڭبايەۆ اۋىلىنىڭ زيراتىندا جەرلەنگەن.

ر.S. بيىل مەملەكەت باسشىسى اباي ەلىنە ساپار جاساپ، اۋىلدىڭ اقساقالدارىنان باتاسىن العان. ابايدىڭ ەسىمى، ابايدىڭ مۇراسى، ابايدىڭ ەلى مەملەكەت باسشىسىنىڭ، ۇكىمەتتىڭ نازارىنان تىس قالمايدى.

حاكىم اباي ايتقانداي، "ولسە ولەر تابيعات، ادام ولمەس". دەمەك، ابايدىڭ دا، ۇرپاعى ايداردىڭ دا ەسىمى، جارقىن ەلەستەرى ەستە قالادى.

اسقار دايىربەك