الماتى قالاسىنىڭ باس سانيتار دارىگەرى جانداربەك بەكشين كۆي بويىنشا ەپيدەميولوگيالىق جاعداي قاۋىرت كۇيدە قالىپ وتىرعانىن مالىمدەدى. بۇل تۋرالى ول وڭىرلىك كوممۋنيكاسيالار قىزمەتى الاڭىندا وتكەن بريفينگتە ايتتى. 

باس سانيتار دارىگەردىڭ ايتۋىنشا، قالاداعى ەپيدەميولوگيالىق جاعدايدى شەكتەۋ شارالارىن باقىلاۋدى كۇشەيتۋ ماتريساسىندا باعالاۋ سارى ايماقتا بولۋىن جالعاستىرۋدا.

– قالادا ىندەتتىڭ ەكىنشى تولقىنىنىڭ دامۋى قازان ايىندا باستالدى، 3 ايدا كۆي جاعدايلارىن تىركەۋ 14 ەسە ءوستى. قاڭتار ايىنىڭ 7 كۇنىندە كۆي-دىڭ 700-دەن استام جاعدايى تىركەلدى، قاڭتار ايىنا بولجام قولايسىز جانە 4500-گە دەيىن جاعدايدى قۇرايدى.

سوڭعى 14 كۇندە سىرقاتتانۋ 20-39 جاستاعى ازاماتتار اراسىندا 35%-دى، 40-59 جاس ارالىعىندا 33%-دى قۇرايدى، بۇل شەكتەۋ شارالارىنىڭ بۇزىلۋىمەن جانە كورپوراتيۆتىك كەشتەردى وتكىزۋمەن، ساۋدا وبەكتىلەرىنە بارۋمەن بايلانىستى، – دەدى ول.

بەكشين تۇرعىنداردى كوپ جينالاتىن ورىندارعا بارۋدان باس تارتۋعا، ۆيرۋستىڭ تارالۋىن توقتاتۋ ءۇشىن اشىق اۋادا ماسكا تاعۋ، اراقاشىقتىقتى قاتاڭ ساقتاۋعا شاقىردى.

– كوروناۆيرۋس ينفەكسياسىمەن اۋىرعان ناۋقاستارمەن جانە جۇمىس ورنى بويىنشا بايلانىستا بولعان ادامدار ۇيدە قالىپ، تەگىن نەگىزدە تەكسەرۋ ءۇشىن تەلەفون ارقىلى ەمحاناعا حابارلاسۋى كەرەك. الماتى قالاسىنىڭ ازاماتتارى مەن قوناقتارىنا جرۆي بەلگىلەرى پايدا بولعان كەزدە دارىگەردى ۇيىنە شاقىرتۋدى، زەينەتكەرلەرگە اسا قاجەتتىلىكسىز تۇرعىن ۇيلەردەن شىقپاۋدى ۇسىنامىز، – دەدى ج. بەكشين.