«Nur Otan»-نىڭ رەسپۋبليكالىق سايلاۋالدى شتابى پاۆلودار وبلىسىنا كەلدى دەپ حابارلايدى پارتيا باسپا ءسوز قىزمەتى.
پارتيانىڭ سايلاۋالدى كۇن ءتارتىبى وڭىردەگى ءىرى كاسىپورىنداردىڭ ءبىرى «قازاقستان ءاليۋمينييى» جۇمىسشىلارىمەن كەزدەسۋدە تالقىلاندى.
تاياۋداعى 5 جىلدا «Nur Otan» وبلىستا كەمىندە 45 مىڭ جاڭا جۇمىس ورنىن اشۋ، 100-دەن استام اۋىلدىڭ 45 مىڭ تۇرعىنىن ساپالى اۋىز سۋمەن قامتاماسىز ەتۋ، 1،6 مىڭ كم اۆتوجولدى جوندەۋ، الەۋمەتتىك مۇقتاج ازاماتتارعا 9 مىڭ پاتەر ۇسىنا وتىرىپ، 2 ملن. شارشى مەتر تۇرعىن ءۇي سالۋ سەكىلدى جوبالاردى مىندەت ەتىپ قويىپ وتىر.
ەكولوگيانى جاقسارتۋ ماقساتىندا قاتتى تۇرمىستىق قالدىقتار پوليگوندارىن سالۋ جانە جىل سايىن ورتاشا العاندا زياندى شىعارىندىلاردى 3 مىڭ تونناعا تومەندەتە وتىرىپ، كاسىپورىنداردى جاڭعىرتۋ جوسپارلانۋدا.
بۇدان كەيىن مۇعالىمدەرمەن كەزدەسۋدە سايلاۋالدى شتاب مۇشەلەرى ءبىلىم بەرۋ سالاسىن دامىتۋدىڭ نەگىزگى باعىتتارىن تالقىلادى.
«Nur Otan» پارتياسى وڭىردە 83 مەكتەپ سالۋ مەن كۇردەلى جوندەۋدى قامتاماسىز ەتەدى. مەملەكەت باسشىسى قاسىم-جومارت توقايەۆ پارتيانىڭ «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىندا اتاپ كورسەتكەندەي، ەل بويىنشا 800 جاڭا مەكتەپ سالىنادى جانە شاعىن قالالاردا، اۋدان ورتالىقتارى مەن اۋىلداردا قولدانىستاعى 5 مىڭ مەكتەپ جاڭعىرتىلادى. دارىندى بالالاردى انىقتاۋ جانە قولداۋ كورسەتۋ بويىنشا جۇمىس، ونىڭ ىشىندە اۋىلدىق جەرلەر قامتىلا وتىرىپ جالعاسادى، ولارعا ەلدەگى مامانداندىرىلعان مەكتەپتەردە وقۋ مۇمكىندىگى ۇسىنىلادى. اسىرەسە، ءمۇعالىم كاسىبىنىڭ بەدەلىن ارتتىرۋعا باسا نازار اۋدارىلادى. پەداگوگتاردىڭ جالاقىسى 2 ەسە وسەدى»، - دەپ اتاپ ءوتتى سايلاۋالدى شتاب جەتەكشىسى باۋىرجان بايبەك.
وسى كۇنى پارتيا وكىلدەرى نوۆوچەرنوياركا اۋىلىنىڭ تۇرعىندارىمەن كەزدەستى. ءبىر جىل بۇرىن اۋىلداعى 16 كوپقاباتتى ۇيدە ورتالىقتاندىرىلعان جىلۋدىڭ بولماۋى ماسەلەسى شەشىمىن تاپپاي تۇرعان بولاتىن. وسىناۋ ۇزاققا سوزىلعان جىلىتۋ قازاندىعىن سالۋ ماسەلەسى پارتيالىق باقىلاۋعا الىنعاننان كەيىن بيىل اۋىلداعى 800 ءۇي عانا ەمەس، سونىمەن بىرگە مەكتەپ، اۋرۋحانا جانە باسقا دا الەۋمەتتىك نىساندار جىلۋمەن قامتاماسىز ەتىلدى.
تۇرعىنداردىڭ ايتۋىنشا، چەرنويارسك اۋىلدىق وكرۋگىندەگى تۇيتكىلدى ماسەلەنىڭ ءبىرى – اۋىل ىشىندەگى جولداردىڭ ساپاسى. وسىنى ەسكەرە وتىرىپ، «Nur Otan» پارتياسى اۋداندىق سايلاۋالدى باعدارلاماعا 19 اۋىلداعى، ونىڭ ىشىندە نوۆوچەرنوياركاداعى جولدارعا جوندەۋ جۇرگىزۋدى ەنگىزدى.
«جالپى، ەلباسى، پارتيا ليدەرى نۇرسۇلتان نازاربايەۆتىڭ باستاماسىمەن قولعا الىنعان «اۋىل – ەل بەسىگى» جوباسىنىڭ اياسىندا وڭىردە 170 اۋىل جاڭعىرتىلادى. سايلاۋالدى ۋادەلەرىمىز اياسىندا ەل كولەمىندە 3،5 مىڭنان استام اۋىلدىڭ تۇرعىندارى ءۇشىن ءومىر ءسۇرۋ ستاندارتىن كوتەرۋ جوسپارلانۋدا»، - دەدى باۋىرجان بايبەك.
«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى.
پىكىر قالدىرۋ