نۇر-سۇلتاندا 7 قاڭتار ساعات 08:52-دە ەسەنبەرلين كوشەسىندەگى "باتىر" كولىك جۋۋ ورتالىعىندا 13 كولىك ورتەنىپ كەتتى، دەپ حابارلادى قالالىق توتەنشە جاعداي دەپارتامەنتى.
"كولىك جۋۋ ورنىندا اۆتوكولىك كوپ بولعاندىقتان ءورتتى ءسوندىرۋ ءبىراز قيىنعا سوقتى، ءبىراق ءورت سوندىرۋشىلەردىڭ جەدەل جانە ساۋاتتى ءىس-قيمىلدارىنىڭ ارقاسىندا ءورت 10 ساعات 21 مينۋتتا اۋىزدىقتالىپ، 10 ساعات 53 مينۋتتا تولىق ءسوندىرىلدى. قازا بولعاندار مەن زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر" دەلىنگەن تجد تاراتقان حابارلامادا.
ءورتتى سوندىرۋگە 9 بىرلىك تەحنيكا مەن جەكە قۇرامنان 15 ادام شىققان.
پىكىر قالدىرۋ