"ادال" پارتياسىنىڭ مۇشەسى، قارجى ساراپشىسى داۋلەت مۇقايەۆ الەۋمەتتىك جەلىدەگى پاراقشاسىندا تىكەلەي ەفيرگە شىعىپ، پارلامەنت سايلاۋىنىڭ ناتيجەسى تۋرالى پىكىر ايتتى.

– ارانداتۋشىلار بولدى. كەي فەيك پاراقشالاردان: "نە ىستەپ وتىرسىڭ؟"، "قوسانوۆ-2 بولدىڭدار" دەپ جازۋدا. تاعى دا قايتالاپ ايتامىن. بۇل  –پرەزيدەنتتىك سايلاۋ ەمەس. نۇروتاننىڭ جەڭەتىنى باسىنان بەلگىلى بولدى. مەن كوممۋنيستتەر پارتياسى وتپەيدى، ورنىنا "ادال" پارتياسى وتەدى دەپ ويلاعان ەدىم. الايدا ءبىزدىڭ ويلاعانىمىز ساياساتتىڭ ويلاعانىمەن بولا بەرمەيدى. بىزگە داۋسى بەرگەندەردىڭ بارىنە راقمەت ايتامىن. بۇل جەردە ءبارىبىر دە اينالىپ كەلگەندە ساياسات، "سايقال ساياسات" دەگەن تىركەس جۇرەدى. مەن دە دايىن جۇرمەگەن شىعارمىن. ءبىراق جاقسى ءبىر ساباق الدىق، – دەدى ول.

داۋلەت مۇقايەۆ پارتيا مۇشەلىگىندەگى بارشا ازاماتتار قىزمەتتەرىن ادال اتقارعانىن اتاپ ءوتتى.

– وزدەرىڭىز كورگەندەرىڭىزدەي، ءبارىبىر دە بۇيرىق جوعارى جاقتان. ارينە جاستىقتىڭ بۋىمەن بۇرقىراپ، كوشەگە شىعىپ، جولدى جابۋ سىندى ارەكەتتەرگە بارۋعا بولادى. ءبىراق ودان تۇك شەشىلمەيدى. سوندىقتان مەنىڭ سۇرايتىنىم "ساتقىن، الاياق، جەمقور ۇرپاق" تاربيەلەمەيىكشى ءوتىنىش. ءوزىنىڭ پىكىرى بولاتىن، ءوزىنىڭ قۇقىعى ءۇشىن تۇرا الاتىن ۇرپاق تاربيەلەيىك. ءبىراق تۇبىندە جالعىزدىڭ ءۇنى شىقپاي قالادى مۇندايدا. سوندىقتان ءبىز وزگەرۋ ءۇشىن، ۇرپاعىمىزدى وزگەرتەيىك، سانالى ءبىلىم بەرەيىك. شىنى كەرەك ءقازىر قوعامدا "ساتقىندار" وتە كوپ، – دەپ ءسوزىن تۇيىندەدى ساراپشى

وقي وتىرىڭىز:

♦ پارلامەنت سايلاۋىنىڭ قورىتىندىسى جاريالاندى