قازاقستاننىڭ ءۇش وبلىسىندا اۋا-رايىنا بايلانىستى اۆتوموبيل جولدارى جابىلىپ، قوزعالىس توقتاتىلدى. بۇل تۋرالى tengrinews.kz سايتى حابارلادى. 

12 قاڭتاردا قار مەن قارلى بورانعا بايلانىستى سولتۇستىك قازاقستان وبلىسى، قوستاناي وبلىسى جانە اقمولا وبلىسىندا بارلىق كولىك تۇرلەرىنىڭ جول قوزعالىسىنا شەكتەۋ ەنگىزىلدى. 

سولتۇستىك قازاقستان وبلىسىندا – بارلىق باعىتتار بويىنشا شەكتەۋ بويىلسا، قوستاناي وبلىسىندا تومەندەگى اۆتوموبيل جولدارى شەكتەلدى:

ەكاتەرينبۋرگ – الماتى (سارىكول اۋىلىنان سولتۇستىك قازاقستان وبلىسىنىڭ شەكاراسىنا دەيىنگى ۋچاسكە)؛

مامليۋتكا – قوستاناي (سولتۇستىك قازاقستان وبلىسىنىڭ شەكاراسىنان ۇزىنكول اۋىلىنا دەيىنگى ۋچاسكە).

اقمولا وبلىسىنداعى شەكتەۋ قويىلعان اۆتوموبيل جولدارى:

كوكشەتاۋ – رۋزايەۆكا (كوكشەتاۋدان سولتۇستىك قازاقستان وبلىسىنىڭ شەكاراسىنا دەيىن)؛

كوكشەتاۋ – ومبى (كوكشەتاۋدان سولتۇستىك قازاقستان وبلىسىنىڭ شەكاراسىنا دەيىنگى ۋچاسكە)؛

نۇر-سۇلتان – پەتروپاۆل (كوكشەتاۋدان سولتۇستىك قازاقستان وبلىسىنىڭ شەكاراسىنا دەيىن)؛

ماكينسك – اقسۋ – تورعاي (ماكينسك اۋىلىنان تورعاي اۋىلىنا دەيىنگى ۋچاسكە).