اقش مەملەكەتتىك دەپارتامەنتىنىڭ رەسمي سايتىندا ترامپتىڭ پرەزيدەنتتىك مەرزىمى بىتكەنى جاريالاندى.
مەملەكەتتىك دەپارتامەنت رەسمي سايتىندا "دونالد دج.ترامپتىڭ پرەزيدەنتتىك مەرزىمى 2021-01-11 19:39:11 اياقتالدى" جانە "مايك پەنستىڭ (ۆيسە-پرەزيدەنت) مەرزىمى 2021-01-11 19:44:22 اياقتالدى" دەلىنگەن.
ديپلوماتتاردىڭ ءبىرى BuzzFeed News-كە رەسمي سايتتىڭ جۇيەسى "جابىق جۇيە" ەكەنىن، ونى "بۇزۋ مۇمكىن ەمەس" ەكەنىن مالىمدەگەن.
بۇل تۋرالى وزگەرىستى العاش بايقاعان ادامداردىڭ ءبىرى – Buzzfeed ءجۋرناليسى كريستوفەر ميللەر ءوزىنىڭ تۆيتتەر پاراقشاسىندا جازدى.
اق ۇيدە نە بولىپ جاتقانى ازىرگە بەلگىسىز.
دەگەنمەن، اقپاراتقا سايكەس، اقش مەملەكەتتىك حاتشىسى مايك پومپەو پرەزيدەنت ترامپ پەن ۆيسە-پرەزيدەنت پەنستىڭ ءومىرباياندىق پاراقشالارى وزگەرتىلگەنىنە بايلانىستى تەرگەۋ باستاماق.
پىكىر قالدىرۋ