قازاقستاندا تاۋەلسىزدىكتىڭ 30 جىلدىعىندا جاڭا رەفورمالار جۇرگىزىلەدى. بۇل تۋرالى پرەزيدەنت قاسىم-جومارت توقايەۆ جەتىنشى شاقىرىلعان پارلامەنتتىڭ 1ء-شى سەسسياسىندا حابارلادى.
قاسىم-جومارت توقايەۆ كۇردەلى كەزەڭدە ءبىر سەكۋندقا دا تىنىعۋعا بولمايتىنىن اتاپ ءوتتى.
– جىل باسىندا سايلاۋ وتكىزۋ ارقىلى ءبىز دامۋعا جاڭا جول اشامىز. تاۋەلسىزدىكتىڭ 30 جىلدىعىندا جاڭا رەفورمالار جۇرگىزىلەدى. باستى باسىمدىق – حالقىمىزدىڭ ءال-اۋقاتىن جاقسارتۋ، – دەدى پرەزيدەنت.
ونىڭ ايتۋىنشا، پارتيالاردىڭ كوزقاراستارى ءارتۇرلى بولعانىمەن، ماقسات ورتاق.
– وتكەن سايلاۋ ءبىزدىڭ تاريحىمىزدا جاڭا پاراق اشتى. داۋىس بەرۋ بارلىق وڭىردەگى حالىق ءبىزدىڭ ەلىمىز تاڭداعان جولدى قولدايتىنىن كورسەتتى. پارتيالاردىڭ ساياسي كوزقاراستارى ءارتۇرلى بولعانىمەن، ماقسات ورتاق. ءماجىلىستىڭ كوپپارتيالى جاڭا قۇرامى ءبىزدىڭ قوعامدا باسەكەگە قابىلەتتىلىكتىڭ وسكەنىن كورسەتەدى، – دەدى توقايەۆ.
پىكىر قالدىرۋ