"مۋزارت" توبىنىڭ ءانشىسى مەيرامبەك بەسپايەۆ كوروناۆيرۋس جۇقتىرىپ، الماتىداعى اۋرۋحاناعا ءتۇستى، دەپ حابارلادى Tengrinews.kz.
– كەشە تۇستەن كەيىن جەدەل جاردەم شاقىردىق. ول كۇرت ناشارلاپ كەتتى. الدىمەن پنيەۆمونيا، سودان كەيىن كوروناۆيرۋس ەكەنى ايتىلدى، - دەدى "مۋزارت" توبىنىڭ ديرەكتورى ەرلان ءجۇنىسباي.
توپ ديرەكتورىنىڭ ايتۋىنشا، ءقازىر مەيرامبەك بەسپايەۆ ءوزىن جاقسى سەزىنەدى.
– كەشە كەشكە ونىمەن سويلەستىم. ول ءوزى بۇل اۋرۋعا سەنبەگەنىن ايتادى. قالقامانداعى № 7 اۋرۋحانانىڭ دارىگەرلەرىنە العىس ايتقىسى كەلەدى. قازاقستاندىقتار مۇنىڭ قانشالىقتى ءقاۋىپتى ەكەنىن ءتۇسىنۋىن، ۇيدە وتىرۋىن جانە قوناقتارعا بارماۋىن سۇرايدى، - دەدى ءجۇنىسباي.
پىكىر قالدىرۋ