جاقىندا سايلانعان ءماجىلىستىڭ ەڭ جاس دەپۋتاتى ءمادي احمەتوۆ "ازات الاڭ" باعدارلاماسىنا بەرگەن سۇقباتىندا قازاقستاننىڭ ەكس-پرەزيدەنتى نۇرسۇلتان نازاربايەۆقا ارناپ ەسكەرتكىش ورناتۋ تۋرالى باستامانى نە ءۇشىن كوتەرگەنىن ايتتى. 

جاس دەپۋتاتتىڭ ايتۋىنشا، مەملەكەتتىڭ قالىپتاسۋىنا ۇلەس قوسقان جاندارعا قۇرمەت كورسەتۋ – الەمدىك ترەند.

– ءوز ءومىرىنىڭ تەڭ جارتىسىن مەملەكەتتىك قالىپتاسۋىنا ارناعان، جالپى قازاقستان ءۇشىن استانامىزدى سالىپ، تۇركىستان قالاسىن جاڭعىرتىپ، شەكارامىزدى شەگەندەپ، ءتىل مارتەبەسىن كوتەرگەن، سەمەي پوليگونىن جاپقان. ءسىز ونى تاريح بەتتەرىنەن سىزىپ تاستاي المايسىز. سوندىقتان دا ول كىسىنىڭ جاساعان ەڭبەگىن مويىنداپ، ۇلگى الۋعا بولادى. بۇل - ۇسىنىس تەك قانا مەنىڭ ەمەس، الماتى قالاسىنىڭ جاسوتاندىقتارىنىڭ دا ۇسىنىسى. وي مەنىكى بولعانىمەن، جاسوتاندىقتارمەن بىرلەسە وتىرىپ كەلىستىك. ءقازىر ءارتۇرلى ب ا ق بولسىن، الەۋمەتتىك جەلىدەگى بەلسەندىلەر بولسىن، ولار ءسوزىمدى وزدەرىنە كەرەك فورماتتا بۇرمالاپ الىپ جاتىر. مەن ويلايمىن، بۇل بۇيرەكتەن سيراق شىعاراتىن نارسە ەمەس. بۇل الەمدىك ترەند. امەريكانى، تۇركيانى الىپ قاراساڭىز دا، سينگاپۋردى الىپ قاراساڭىز دا، مەملەكەتتىڭ قالىپتاسۋىنا ۇلەسىن قوسقان ازاماتتارعا مۇنداي قۇرمەت كورسەتۋدىڭ ارتىقشىلىعى جوق، – دەدى ءمادي احمەتوۆ.