دەنساۋلىق ساقتاۋ ءمينيسترى الەكسەي سوي قازاقستاندا كوروناۆيرۋس ينفەسياسىنا بايلانىستى ەپيدەميولوگيالىق احۋالدىڭ بولجامىن ايتتى.
– وسى جىلعى ناۋرىز ايىنىڭ سوڭىندا كوروناۆيرۋس ءورشۋى مۇمكىن. وپتيميستىك سەنارييگە سايكەس، تاۋلىگىنە 3 مىڭ جاعدايعا دەيىن تىركەلەدى دەپ كۇتىلۋدە. 24 مىڭعا دەيىن توسەك ورنى تولۋى مۇمكىن. دەگەنمەن، بۇل سەناريي بويىنشا قاتاڭ كارانتين شارالارىن ەنگىزۋ جوسپارلانباعان. ناقتى جانە پەسسيميستىك سەنارييلەرگە ساي، كۇنىنە 6 مىڭ مەن 9 مىڭعا دەيىن جۇقتىرۋ دەرەكتەرى تىركەلۋى ىقتيمال. شامامەن 45 مىڭ توسەك ورنى تولۋى مۇمكىن. بۇل – دەنساۋلىق ساقتاۋ جۇيەسىنىڭ شامادان تىس جۇكتەلۋىنە جول بەرمەۋ ءۇشىن قاتاڭ كارانتين شارالارىن ەنگىزۋ قاجەتتىگىنە سوقتىرادى، – دەدى سوي.
پىكىر قالدىرۋ