ۇكىمەت قاۋلىسىمەن سەرگەي نيكولايەۆيچ گروموۆ باسقا جۇمىسقا اۋىسۋىنا بايلانىستى ەكولوگيا، گەولوگيا جانە تابيعي رەسۋرستار ۆيسە-مينيسترى قىزمەتىنەن بوساتىلدى. بۇل تۋرالى primeminister.kz سايتى حابارلادى.

سەرگەي گروموۆ 1959 جىلى تالدىقورعان وبلىسىندا دۇنيەگە كەلگەن. ءار جىلدارى اۋدان اكىمى، وڭتۇستىك قازاقستان وبلىسى اكىمىنىڭ ءبىرىنشى ورىنباسارى، پرەزيدەنت اكىمشىلىگىنىڭ مەملەكەتتىك ينسپەكتورى، اپپارات باسشىسى، ءتوراعا ورىنباسارى، «نۇر وتان» حالىقتىق-دەموكراتيالىق پارتياسىنىڭ حاتشىسى، ق ر قورعانىس ءمينيسترىنىڭ ورىنباسارى بولىپ جۇمىس ىستەدى. 

2013-2016 جىلدارى – پارلامەنت سەناتىنىڭ V شاقىرىلىمىنىڭ دەپۋتاتى، حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەسى.

2016-2019 جىلدارى – پارلامەنت سەناتى ءتوراعاسىنىڭ ورىنباسارى.

2019 جىلعى تامىزدان باستاپ ق ر ەكولوگيا، گەولوگيا جانە تابيعي رەسۋرستار ۆيسە-مينيسترى قىزمەتىن اتقاردى.