ءبىرىڭعاي جيناقتاۋشى زەينەتاقى قورى قازاقستاندىقتار 2021 جىلدىڭ 1 قاڭتارىندا قانشا اقشا جيناعانىن جاريالادى.

قور باسپا ءسوز قىزمەتىنىڭ اقپاراتىنشا، 2021 جىلدىڭ 1 قاڭتارىندا قور سالىمشىلارىنىڭ شوتتارىندا 12،9 تريلليون تەڭگە جينالعان. جىل بويى، ياعني 01.01.2020 جىلدان باستاپ 01.01.2021 جىلعا دەيىن سوما 2،1 ترلن تەڭگەگە (20%) كوبەيگەن.

زەينەتاقى جيناقتارىنىڭ نەگىزگى سوماسى:

• مىندەتتى زەينەتاقى جارنالارى (مزج) ەسەبىنەن – 12،6 ترلن تەڭگە (2020 جىلدىڭ باسىنان بەرگى ءوسىم – 19%)؛
• مىندەتتى كاسىپتىك زەينەتاقى جارنالارى (مكزج) ەسەبىنەن – 315،3 ملرد تەڭگە (ءوسىم 28%)؛
• ەرىكتى زەينەتاقى جارنالارى (ەزج) ەسەبىنەن – 2،2 ملرد تەڭگە (ءوسىم 12%).

"2020 جىلدىڭ باسىنان بەرى سالىمشىلاردىڭ شوتتارىنا جالپى كولەمى 1،1 ترلن تەڭگە زەينەتاقى جارنالارى اۋدارىلدى، ول 2019 جىلعى كورسەتكىشتەن 94،8 ملرد تەڭگەگە نەمەسە 10% اسىپ ءتۇستى. جارنالاردىڭ جالپى كولەمىنىڭ 95،6 پايىزىن بجزق-عا مزج بويىنشا اۋدارىلعان 1،04 ترلن تەڭگە مولشەرىندەگى تۇسىمدەر (ءوسىم 10%) قۇرايدى. 46،9 ملرد تەڭگەنىڭ اۋدارىمى مكزج بويىنشا (ءوسىم 8%) جاسالسا، 539 ميلليون تەڭگە ەزج بويىنشا (ءوسىم 51%) اۋدارىلعان" دەلىنگەن رەسمي سايت تاراتقان حابارلامادا.