بوكستان 2000 جىلعى وليمپيادا ويىندارىنىڭ چەمپيونى، الماتى قالاسى ءماسليحاتىنىڭ دەپۋتاتى ەرماحان يبرايموۆتىڭ ۇستىنەن ارىز ءتۇستى.
ازاماتتىق بەلسەندى جانبولات ماماي جەتەكشىلىك ەتەتىن "دەموكراتيالىق پارتيا" باستاماشىل توبىنىڭ بەلسەندىسى ايگەرىم تىلەۋجان 25 قاڭتار كۇنى زاڭگەر ەرلان قالييەۆپەن بىرگە قازىرگى دەپۋتاتتىڭ ۇستىنەن ارىز تۇسىرۋگە باراتىنان facebook پاراقشاسىندا جازعان بولاتىن.
ايتىلعانداي، بۇگىن تاڭەرتەڭ ازاماتتىق بەلسەندى زاڭگەرىمەن بىرگە الماتى قالالىق پوليسيا دەپارتامەنتىنە ارىز تاپسىرىپ، ونى تىكەلەي ەفير ارقىلى كورسەتتى. ايگەرىم تىلەۋجان دەپارتامەنتتەن بولەك وليمپيادا كوميتەتىنە ارىز تاپسىراتىنىن مالىمدەدى.
بۇعان دەيىن سايلاۋعا بويكوت جاريالاپ 10 قاڭتار كۇنى الاڭعا شىعىپ، ارنايى جاساق قورشاۋىندا بولعان "دەموكراتيالىق پارتيا" باستاماشىل توبىن سابىرعا شاقىرۋعا تىرىسقان ەرماحان يبرايموۆ نارازى توپپەن جانجالداسىپ قالعان.
پىكىر قالدىرۋ