كوروناۆيرۋسقا قارسى ۆاكسينانى 18 جاسقا تولعان، جازباشا تۇردە كەلىسىم بەرگەن جانە ەكپەگە قارسى رەاكسيالارى جوق ازاماتتار عانا سالدىرتا الادى. كىمگە ۆاكسينا سالدىرۋعا بولمايتىنى تۋرالى الماتى قالاسى №4 قالالىق ەمحاناسى باس دارىگەرىنىڭ ەمدەۋ ءىسى جونىندەگى ورىنباسارى زارينا التىنبەكوۆا ايتتى، دەپ حابارلادى Tengrinews.kz.

مامان الماتى ەمحانالارىندا "سپۋتنيك V" ۆاكسيناسىمەن يممۋنداۋدى جۇرگىزۋ الگوريتمدەرى تۋرالى ايتىپ، كوروناۆيرۋسقا قارسى ۆاكسينانى تەگىن سالدىرا الاتىنىن جانە كەز كەلگەن ادام ۆاكسينادان جازباشا تۇردە باس تارتۋعا قۇقىلى ەكەنىن اتاپ ءوتتى.

"ۆاكسينا ەكى كەزەڭمەن جۇرگىزىلەدى. ءبىرىنشى كومپونەنتتە 0،1 مەديسينالىق دوزادا، سودان كەيىن 21 كۇندە 0،5 مەديسينالىق دوزادا سالىنادى" دەدى دارىگەر وكق ونلاين-بريفينگتە.

سونداي-اق ماماننىڭ ايتۋىنشا، كوروناۆيرۋسقا قارسى ەكپە ۆاكسيناسياعا قارسى كورسەتىلىمى جوق، كەلىسىم بەرگەن جانە 18 جاستان اسقان ازاماتتارعا عانا سالىنادى.

ۆاكسيناسيانى نەمەسە وسىعان ۇقساس كومپونەنتتەرى بار ۆاكسينانىڭ قانداي دا ءبىر كومپونەنتىنە اسا سەزىمتالدىق، انامنەزىندە اۋىر اللەرگيالىق رەاكسيالار بار، ءجىتى ينفەكسيالىق جانە سوزىلمالى ينفەكسيالىق ەمەس اۋرۋلارى، سوزىلمالى اۋرۋلارىنىڭ ءورشۋى بار، جۇكتىلىك جانە ەمىزۋلى كەزەڭدە، جاسى 18-گە تولماعان تۇلعالارعا ۆاكسينانى سالدىرۋعا بولمايدى.