ۇكىمەتتىڭ كەڭەيتىلگەن وتىرىسىندا دەنساۋلىق ساقتاۋ ءمينيسترى الەكسەي سوي ەلدە دارى-دارمەك تاپشىلىعى بولمايتىنىن ايتتى.
پرەزيدەنت قاسىم-جومارت توقايەۆ الەكسەي سويدان دارى-دارمەك باعاسى قالاي قاداعالانىپ جاتقانىن سۇرادى. مينيستر دارى-دارمەكتىڭ شەكتى باعاسىن قاداعالاۋ ماسەلەسى قايتا قارالعانىن ايتتى.
– قازىرگى ۋاقىتتا كوروناۆيرۋس پرەپاراتتارى بويىنشا ماركەتينگتىك شىعىنداردىڭ ءبارىن الىپ تاستادىق. ءدارىحانالاردا تاپشىلىق بولماس ءۇشىن ءبىز كوروناۆيرۋسقا شالدىققان ادامدارعا امبۋلاتوريالىق دارى-دارمەكتى تەگىن قىلدىق. بۇل دا ءدارىحانالارداعى كەزەكتى جويدى. وسىلايشا، ءبىز انتيكوۆيد پرەپاراتتاردىڭ باعاسىن ورتا ەسەپپەن 27 پايىزعا ارزانداتتىق. سونىمەن قاتار بيىل "حالىق دەنساۋلىعى" كودەكسىنە ءتيىستى وزگەرىستەردى ەنگىزىپ، بولشەكتىك سەگمەنتتەگى باعالاردى قاداعالاۋ تەتىگىن الىپ تاستاماقپىز. وسىلايشا. ءبىز بولشەكتىك سەگمەنتتەگى باعانى تومەندەتەرلىك قوسىمشا تەتىكتەرگە يە بولامىز، – دەدى ول.
پرەزيدەنتتىڭ "ياعني دارى-دارمەك تاپشىلعى بولمايدى عوي؟" دەگەن سۇراعىنا الەكسەي سوي "ءيا" دەپ جاۋاپ بەردى.
پىكىر قالدىرۋ