يتاليانىڭ پرەمەر-مينيسترى دجۋزەپپە كونتە كوروناۆيرۋس پاندەمياسىنا قاتىستى سىن-پىكىرلەردەن كەيىن سەيسەنبىدە وتستاۆكاعا كەتەتىن بولدى.
يتاليادا كوروناۆيرۋستان 85000-نان استام ادام قايتىس بولعان.
كونتە سەناتتاعى كوپشىلىكتىڭ قولداۋىنان ايىرىلعان سوڭ، پرەزيدەنتتەن مىقتى ۇكىمەت قۇرۋعا ماندات الۋدى ۇمىتتەنەدى.
ەگەر ول مۇنى ىستەي الماسا، مىندەت باسقا بىرەۋگە ارتىلۋى مۇمكىن. ال ولاي بولماعان جاعدايدا، جاڭا سايلاۋ وتكىزىلەدى.
كابينەت كەڭسەسىنىڭ مالىمدەمەسىندە كەزدەسۋ ساعات 09:00-دە شاقىرىلاتىنى ايتىلعان جانە كونتە "مينيسترلەرىنە وتستاۆكاعا كەتۋ نيەتى تۋرالى حابارلادى. سودان كەيىن ول پرەزيدەنت سەرجيو ماتتارەللاعا بارادى" دەلىنگەن.
پىكىر قالدىرۋ