ۇكىمەتتىڭ كەڭەيتىلگەن وتىرىسىندا پرەمەر-مينيستر اسقار مامين ۇلتتىق ءبىرىڭعاي تەستتىلەۋ تولىق ەلەكتروندىق فورماتقا وتەتىنىن حابارلادى. بۇعان دەيىن بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتقان. 

ۇبت مەكتەپ بىتىرۋشىلەر قازاقستاننىڭ جوو ءتۇسۋ ءۇشىن تاپسىرىلاتىن تەست.

بيىل وقۋشىلار ۇبت-نى كومپيۋتەرمەن ارنايى تەستىلەۋ ورتالىقتارىندا تاپسىرادى، دەپ حابارلادى sputnik.kz. 

ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ ەلەكتروندىق فورماتقا ءوتۋ تۋرالى تولىعىراق ايتىپ بەردى.

وقۋشىلار Face-ID (ادامنىڭ بەت الپەتى ارقىلى تانۋ) ارقىلى تەستكە جىبەرىلەدى، ياعني ەشكىم وقۋشى ورنىنا تەست تاپسىرا المايدى. 

كومپيۋتەرگە پروكتورينگ جۇيەسى ورناتىلادى (پروكتورينگ - ۆەب كامەرا ارقىلى تەست تاپسىرۋشىنىڭ ءجۇزىن ەكرانعا كەلتىرىپ، ءتۇزۋ وتىرۋىن قاداعالايتىن باعدارلاما).

باقىلاۋ كامەراسى ارقىلى ءار وقۋشى باقىلاۋدا بولادى. 

ەلەكتروندىق ۇبت-دا تەست اياقتالعانشا جاۋاپتى وزگەرتۋگە بولادى. 

ۇبت ناتيجەسىن وقۋشىلار بىردەن بىلەدى. بۇرىنعىداي كەشكە دەيىن كۇتۋدىڭ قاجەتى جوق.