"بيلىك وكىلىنە باعىنباۋعا شاقىردى" دەپ ايىپتالعان ارالاس جەكپە-جەك شەبەرى قۋات حاميتوۆ سوتتا سوڭعى ءسوزىن ايتتى. ول شەتەلگە شىعۋعا مۇمكىندىك بەرۋىن سۇرادى.
– قۇرمەتتى سوت، مەن ءۇشىن ەڭ ماڭىزدى ماسەلە شەتەلگە شىعۋعا مۇمكىندىگىمنىڭ بولۋى. سەبەبى مەن ەلىمنىڭ نامىسىن قورعاپ ءجۇرمىن. جازام قانداي بولسا دا، كونەمىن. تەك شەتەلگە شىعا السام بولدى. مەنىڭ العا قويعان ماقساتىم كوپ، – دەدى ول.
سوت ۇكىمى بۇگىن 14:30-دا شىعادى.
قۋات حاميتوۆتىڭ ۇستىنەن قىلمىستىق كودەكستىڭ 272-بابى 3ء-بولىمى بويىنشا (بيلىك وكىلىنە باعىنباۋعا شاقىرۋ، جاپپاي قۇقىقبۇزۋشىلىققا تارتۋ، ارانداتۋ، ازاماتتارعا كۇش قولدانۋعا شاقىرۋ) ءىس قوزعالعان. ءىس الماتى قالاسى المالى اۋداندىق سوتىندا قارالىپ جاتىر.
بۇعان دەيىن قۋات حاميتوۆ 2020 جىلعى قىركۇيەكتە الەۋمەتتىك جەلىدە بيلىككە قارسى كۇش قولدانۋعا شاقىرعانى ءۇشىن الماتى پوليسيا دەپارتامەنتىنە جەتكىزىلگەن. اتالعان دەرەك بويىنشا قىلمىستىق كودەكستىڭ 272-بابى 3ء-بولىمى بويىنشا ءىس قوزعالدى.
پىكىر قالدىرۋ