قازاقستاندا زەينەتاقى اننۋيتەتى ازاماتتار ءۇشىن ايتارلىقتاي قولجەتىمدى بولا ءتۇستى. بۇل تۋرالى قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ماريا حادجييەۆا سوزىنە سىلتەمە جاساپ، قازاقپارات سايتى حابارلادى.

ونىڭ ايتۋىنشا، ەكونوميكالىق ءوسۋدى قالپىنا كەلتىرۋ ماسەلەلەرى جونىندەگى زاڭ زەينەتاقى اننۋيتەتىن بەرۋ قاعيدالارىنا ءبىراز تۇزەتۋلەر ەنگىزگەن.

• زەينەتاقى اننۋيتەتى شارتى بويىنشا ەڭ تومەن تولەم مولشەرىن ەڭ تومەن زەينەتاقىدان ەڭ تومەن كۇنكورىس شاماسىنىڭ 70%-نا جاقىن وزگەرتۋگە؛
• زەينەتاقى اننۋيتەتى ايتارلىقتاي ارزاندادى. ماسەلەن، 2020 جىلى زەينەتاقى اننۋيتەتىن جاساۋ ءۇشىن جەتكىلىكتى سوما 55 جاستاعى ەر ادامدار ءۇشىن 11،3 ملن تەڭگە، ال 51،5 جاستاعى ايەلدەر ءۇشىن 15،5 ملن تەڭگە بولعان. ەندى سول جاستاعى ەر ادام اننۋيتەتتى – 6،7 ملن تەڭگە، ال ايەل ادام – 9 ملن تەڭگە.

– كەيىنگە قالدىرىلعان زەينەتاقى اننۋيتەتىن 55 جاستان باستاپ تولەمدەر الاتىنداي بولىپ، 45 جاستا العان جاعدايدا ەر ادامدا كەمىندە 6،1 ملن تەڭگە، ال ايەلدە 7،7 ملن تەڭگە بولۋعا ءتيىس. ەگەر جالپى سيفرلاردى الار بولساق، بۇگىنگى كۇنى شامامەن 61 مىڭ ادام 283 ملرد تەڭگە سوماعا زەينەتاقى اننۋيتەتى شارتىن جاساعان، سول ارقىلى ولار ءومىردى ساقتاندىرۋ جونىندەگى كومپانيادان وزدەرىنە ءومىر بويعى زەينەتاقى تولەمىنە كەپىلدىك الدى، – دەدى ماريا حادجييەۆا.

بجزق-دا زەينەتاقى جيناقتارى جەتكىلىكتى قازاقستاندىقتار وزدەرىنىڭ زەينەتاقى جيناقتارىنىڭ ءبىر بولىگىن تۇرعىن ءۇي جاعدايىن جاقسارتۋعا نەمەسە ەمدەلۋ اقىسىن تولەۋگە پايدالاناتىنىن، نە اقشاسىن زەينەتكەرلىككە جيناقتاي بەرەتىنىن وزدەرى شەشۋگە قۇقىلى.