ۇلتتىق بانكتىڭ بۇگىنگى دەرەگىنە سايكەس، قازاقستاندا التىننىڭ رەسمي باعامى 1 گرامم ءۇشىن 75 200،37 تەڭگەگە جەتتى. بۇل – ەل تاريحىنداعى ەڭ جوعارى كورسەتكىش.

ءبىر كۇن ىشىندە التىن باعاسى 2،59 پايىزعا ءوسىپ، 1 895 تەڭگەگە قىمباتتاعان. ال ءبىر جىلداعى ءوسىم 65،7 پايىزدى قۇرايدى. 2025 جىلعى 13 قاڭتارمەن سالىستىرعاندا باعا 29 817 تەڭگەگە ارتقان.

الەمدىك نارىقتا التىننىڭ ءبىر تروي ۋنسياسى (شامامەن 31 گرامم) 4 599 دوللارعا باعالانىپ وتىر. بۇل تەڭگەمەن ەسەپتەگەندە شامامەن 2،35 ملن تەڭگە. ساراپشىلار الداعى ۋاقىتتا باعا 6 000 دوللاردان جوعارى دەڭگەيگە جەتۋى مۇمكىن ەكەنىن جوققا شىعارمايدى.

سونىمەن قاتار ماماندار التىن قۇنىنىڭ قازىرگى ءوسۋى الىپساتارلىق سيپاتتا بولۋى ىقتيمال ەكەنىن ەسكەرتەدى. مۇنداي جاعدايدا نارىقتا كۇرت تۇزەتۋلەر بولىپ، باعانىڭ قىسقا مەرزىمدە تومەندەۋ ءقاۋپى ساقتالادى.