پرەمەر-مينيستر اسقار مامين ەلدە كوروناۆيرۋس ينفەكسياسىنىڭ تارالۋىنا جول بەرمەۋ ءۇشىن ۆەدومستۆوارالىق كوميسسيانىڭ (ۆاك) سەلەكتورلىق وتىرىسىن وتكىزدى.

ۇكىمەت باسشىسى اكىمدىكتەرگە ۆاكسينانى ساقتاۋ ءۇشىن قاجەتتى جابدىقتاردى ساتىپ الۋدى اياقتاپ، ەگۋ پۋنكتتەرىنىڭ تولىق دايىندىعىن 1 اقپانعا دەيىن قامتاماسىز ەتۋدى تاپسىردى.

– ۆاكسينا ءوندىرىسىن قامتاماسىز ەتۋ جانە حالىقتى جاپپاي ۆاكسينالاۋدى وتكىزۋ – دەنساۋلىق ساقتاۋ سالاسىنداعى ۇكىمەتتىڭ بۇگىنگى كۇنگى نەگىزگى مىندەتى، – دەدى ا. مامين. 

مينيسترلىكتىڭ مالىمەتىنە سۇيەنسەك، QazCovid-in وتاندىق ۆاكسيناسى كلينيكالىق سىناقتاردىڭ III كەزەڭىنەن وتۋدە (الدىن الا تيىمدىلىگى – 96%).

"سپۋتنيك V" ۆاكسيناسىنىڭ ساپاسىن اتتەستاتتاۋ جۇمىستارى جۇرگىزىلىپ جاتىر.

"سپۋتنيك V-مەن" ۆاكسينالاۋ 1 اقپاندا باستالادى.