ءبىلىم جانە عىلىم ءمينيسترى اسحات ايماعامبەتوۆ facebook پاراقشاسىندا دەنە شىنىقتىرۋ ءپانىنىڭ مۇعالىمدەرىنە قوسىمشا اقى تولەنەتىنى تۋرالى جازدى.
"2021 جىلدىڭ 1 قاڭتارىنان باستاپ بالاباقشالار، مەكتەپتەر مەن كوللەدجدەردەگى دەنە شىنىقتىرۋ مۇعالىمدەرىنىڭ ايلىعىنا جاڭا قوسىمشا اقى تاعايىندالدى.
ەندى دەنە شىنىقتىرۋ مۇعالىمدەرىنىڭ ەڭبەكاقىسىنا اي سايىن قوسىمشا 17 697 تەڭگە تولەنەتىن بولادى.
وسى رەتتە دەنە شىنىقتىرۋ مۇعالىمدەرىنىڭ فۋنكسيونالى كەڭەيىپ وتىر. مۇعالىمدەر ادەتتە وتكىزەتىن دەنە شىنىقتىرۋ ساباقتارىنان بولەك، قوسىمشا سپورتتىق-ساۋىقتىرۋ ساباقتارىن، ياعني سەكسيالار وتكىزەتىن بولادى.
ءار ءمۇعالىم قوسىمشا سەكسيالىق ساباقتار وتكىزەدى، سايكەسىنشە بالالار مەكتەپتەگى قاجەتتى جابدىقتارىنىڭ بولۋىنا بايلانىستى ءتۇرلى سپورت سەكسيالارىنا قاتىسا الادى.
بالالاردى سپورت سەكسيالارى ارقىلى قوسىمشا ساباقتارعا تارتۋ – سالاۋاتتى ءومىر سالتىن قالىپتاستىرۋ، ءبىلىم الۋشىلاردى سپورتقا باۋلۋ جانە ولاردىڭ دەنساۋلىعىن نىعايتۋ بويىنشا بەرىلگەن مەمەلەكەت باسشىسى ق. ك. توقايەۆتىڭ تاپسىرمالارىنىڭ شەڭبەرىندە باسقا دا كەشەندى شارالار قابىلدانادى" دەلىنگەن مينيستر جازباسىندا.
پىكىر قالدىرۋ