سوت ارالاس جەكپە-جەك شەبەرى،  قۋات حاميتوۆقا قاتىستى ۇكىمدى جاريالادى دەپ حابارلادى zakon.kz.

حاميتوۆتى كوشەدە دەزينفەكتورلاردى ۇرىپ، تىكۇشاقتاردى اتۋعا شاقىرعانى ءۇشىن كىنالى دەپ تاۋىپ، سوت ونى 6 ايعا باس بوستاندىعىن شەكتەۋگە ۇكىم شىعاردى.

سوت قازاقستاندىق فايتەردىڭ بۇرىن جاۋاپقا تارتىلماعانىن جانە ءوز كىناسىن تولىق مويىنداعانىن ەسكەردى. سپورتشى سوتتاعى سوڭعى سوزىندە شەتەلگە شىعۋعا مۇمكىندىك بەرۋىن سۇراعان بولاتىن.

– قۇرمەتتى سوت، مەن ءۇشىن ەڭ ماڭىزدى ماسەلە شەتەلگە شىعۋعا مۇمكىندىگىمنىڭ بولۋى. سەبەبى مەن ەلىمنىڭ نامىسىن قورعاپ ءجۇرمىن. جازام قانداي بولسا دا، كونەمىن. تەك شەتەلگە شىعا السام بولدى. مەنىڭ العا قويعان ماقساتىم كوپ، – دەدى ول

قۋات حاميتوۆتىڭ ۇستىنەن قىلمىستىق كودەكستىڭ 272-بابى 3ء-بولىمى بويىنشا (بيلىك وكىلىنە باعىنباۋعا شاقىرۋ، جاپپاي قۇقىقبۇزۋشىلىققا تارتۋ، ارانداتۋ، ازاماتتارعا كۇش قولدانۋعا شاقىرۋ) ءىس قوزعالعان. ءىس الماتى قالاسى المالى اۋداندىق سوتىندا قارالىپ جاتىر.

بۇعان دەيىن قۋات حاميتوۆ 2020 جىلعى قىركۇيەكتە الەۋمەتتىك جەلىدە بيلىككە قارسى كۇش قولدانۋعا شاقىرعانى ءۇشىن الماتى پوليسيا دەپارتامەنتىنە جەتكىزىلگەن. اتالعان دەرەك بويىنشا قىلمىستىق كودەكستىڭ 272-بابى 3ء-بولىمى بويىنشا ءىس قوزعالدى.