"قازاقستان رەسپۋبليكاسى كونستيتۋسياسىنىڭ 44-بابىنىڭ 5-تارماقشاسىنا سايكەس كولەڭكەلى ەكونوميكاعا قارسى ءىس-قيمىلدىڭ تيىمدىلىگىن ارتتىرۋ ماقساتىندا قاۋلى ەتەمىن:    

1. قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگان رەتىندە قازاقستان رەسپۋبليكاسىنىڭ قارجىلىق مونيتورينگ اگەنتتىگى (بۇدان ءارى – اگەنتتىك) قۇرىلسىن، وعان قازاقستان رەسپۋبليكاسى قارجى مينيسترلىگىنىڭ قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل سالاسىنداعى، سونداي-اق ەكونوميكالىق جانە قارجىلىق قىلمىستار مەن قۇقىق بۇزۋشىلىقتاردىڭ الدىن الۋ، ولاردى انىقتاۋ، جولىن كەسۋ، اشۋ جانە تەرگەپ-تەكسەرۋ بويىنشا فۋنكسيالارى مەن وكىلەتتىكتەرى بەرىلسىن.

2. اگەنتتىك بەرىلەتىن فۋنكسيالار مەن وكىلەتتىكتەر شەڭبەرىندە قازاقستان رەسپۋبليكاسى قارجى مينيسترلىگىنىڭ قۇقىقتارى مەن وكىلەتتىكتەرىنىڭ قۇقىقتىق ميراسقورى بولىپ ايقىندالسىن" دەلىنگەن جارلىقتا.

جارلىق قول قويىلعان كۇنىنەن باستاپ قولدانىسقا ەنگىزىلەدى.