تالدىقورعان قالاسى ماڭىنداعى ەڭبەك اۋىلىندا تۇراتىن ءۇش بالانىڭ اكەسى 44 جاستاعى سۇلتان احمەتوۆ "اكەمىزگە قالىڭدىق" جوباسىنىڭ رەداكسياسىندا ءوز تاعدىرىن باياندادى. 

باعدارلاما كەيىپكەرىنىڭ ايتۋىنشا، 7 جىلدان كەيىن ايەلىنىڭ ءجۇرىس-تۇرىسى وزگەرە باستاعان. ول ۇيدەن ۇزىن ەتەك كيىپ شىعىپ، تابالدىرىقتان اتتاي سالا، اشىق-شاشىق كيىمىن، باسىنا پاريگىن كيىپ، باسقا اداممەن كەزدەسىپ جۇرگەن.

كۇيەۋى جارىنىڭ وپاسىزدىعىن ءبىلىپ قويعان كەزدە كوزىنە ءشوپ سالعان ايەلى كۇيەۋىن تاستاپ، بالالاردى الىپ كەتكەن. بۇل جايت سۇلتاندى ەسەڭگىرەتىپ جىبەرگەن. تەك بالالارى وزىنە ورالعاندا عانا ەسىن جيدى. بالالاردى كۇيەۋىنە بەرەر ايەل شارت قويعان. ءبىرىنشى بالاسى ءۇشىن دجيپ، ەكىنشىسى ءۇشىن ءۇي، ءۇشىنشىسى ءۇشىن جيھاز دۇكەنىن تالاپ ەتكەن.

بالالاردىڭ اكەسى ويلانباستان ايەلىنىڭ سۇراعانىن بەردى. دەگەنىنە قول جەتكىزگەن ايەل كولىكپەن كەلىپ، بالالاردى ءۇيىنىڭ قاقپاسىنا اكەپ تاستايدى. سول ساتتە بالالارىنىڭ كىشىسى نەبارى 11 ايلىق بولعان.

بۇگىندە  سۇلتان بالالارى ءۇشىن ءوزىن قولعا الىپ، قيىندىقتى ەڭسەرىپ كەلەدى. ازامات بۇگىندە جوباعا قاتىسىپ، وزىنە جار تابۋدان ءۇمىتتى.

– مەن ءالى جاسپىن، سوندىقتان شىنايى جار سۇيىسپەنشىلىگىنە لايىقپىن، – دەدى سۇلتان.

جوبا كومانداسى پسيحولوگپەن كەڭەسە وتىرىپ سۇلتان ءۇشىن تاڭداعان ايەلدىڭ ەسىمى – گۇلناز. جاسى 39-دا. ول – الماتى قالاسىنىڭ تۋماسى. قالالىق ايەل سۇلتانمەن، ونىڭ اناسى مەن بالالارىمەن بىرگە اۋىلدا تىرشىلىك ەتە الا ما؟ ونى ۋاقىت كورسەتەدى.