يلون ماسكتىڭ SpaceX كومپانياسى تاعى ءبىر "Starship" ءپروتوتيپىن ۇشىردى جانە قايتا قونۋ پروسەسسى بۇل جولى دا ءساتسىز بولدى.
SN9 دەگەن اتاۋ العان ەكيپاجسىز عارىش كەمەسى تەحاس شىعاناعى جاعالاۋىنان 10 كم بيىكتىككە كوتەرىلىپ، قىسقا قاشىقتىقتا باقىلاۋ وپەراسياسىن جاساۋعا تىرىستى.
كومپانيا وتكەن ايدا SN8 مودەلىمەن وسى كونفيگۋراسيانى سىناپ كورگەندە، سوڭى جارىلىسپەن اياقتاعان.
بۇل جولى SN9 نۇسقاسى دا جەرگە قونعاندا جارىلىپ كەتتى.
وعان قاراماستان، SpaceX تەست ارقىلى كوپ مالىمەتتەر جينالاتىنىن مالىمدەدى. كومپانيا ينجەنەرلەرى باعدارلامانى جالعاستىراتىنىن ايتتى.
"ەستەرىڭىزدە بولسىن، بۇل سىناق رەيسى بولدى، (تەك) ءبىز وسى كونفيگۋراسيادا Starship ۇشاعىمەن ەكىنشى رەت ۇشتىق" دەدى SpaceX ۆەب-ترانسلياسياسىنىڭ تۇراقتى شولۋشىسى دجون ينۆرۋكەر.
"ءبىز قونۋعا از عانا ۋاقىت جۇمساۋىمىز كەرەك. مالىمەتتەردى كوماندادان بىلەتىن بولامىز. سونىمەن تاعى ءبىر كەرەمەت (تەست)" دەدى ول.
