پرەزيدەنت قاسىم-جومارت توقايەۆ ۇلتتىق بانك ءتوراعاسى ەربولات دوسايەۆتى قابىلدادى، دەپ اقوردا سايتى حابارلادى.
دوسايەۆ مەملەكەت باسشىسىنا بيىلعى قاڭتار ايىنداعى اقشا-كرەديت ساياساتىن ىسكە اسىرۋدىڭ الدىن الا قورىتىندىسى، ۇلتتىق قوردىڭ التىن-ۆاليۋتا رەزەرۆتەرى مەن اكتيۆتەرىنىڭ جاي-كۇيى تۋرالى باياندادى.
سونداي-اق ۇلتتىق بانك ءتوراعاسى الەمدىك ەكونوميكانىڭ قالپىنا قايتا كەلۋ ۇردىستەرى، 2020 جىلدىڭ تولەم بالانسىن الدىن الا باعالاۋ، ينفلياسيا مەن ۆاليۋتا ايىرباستاۋ باعامىنىڭ قازىرگى جاعدايى جايىندا اقپارات بەردى.
ە. دوسايەۆ مەملەكەت باسشىسىنىڭ قازاقستان ازاماتتارى زەينەتاقى جيناقتارىن مەرزىمىنەن بۇرىن پايدالانۋعا مۇمكىندىگى بولۋى كەرەكتىگى جونىندەگى تاپسىرماسىنىڭ ورىندالۋ بارىسى تۋرالى ايتتى.
پرەزيدەنت كەزدەسۋدە ۇلتتىق بانك باسشىسىنا ءبىرقاتار تاپسىرما بەردى.
پىكىر قالدىرۋ