سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى الماتى وبلىسى تالعار اۋدانىنىڭ اكىمى سەرىكجان ەرەكەشوۆ پارا الۋ دەرەگىمەن قاماۋعا الىنعانىن راستادى.
"الماتى وبلىسى سىبايلاس جەمقورلىققا قارسى قىزمەت تالعار اۋدانى اكىمدىگىنىڭ لاۋازىمدى تۇلعالارىنا قاتىستى پارا الۋ دەرەگى بويىنشا سوتقا دەيىنگى تەرگەۋ جۇرگىزىپ جاتقانىن حابارلايمىز. تالعار اۋدانىنىڭ اكىمىنە قاتىستى تەرگەۋ سوتى "كۇزەتپەن ۇستاۋ" بۇلتارتپاۋ شاراسىن سانكسيالادى" دەلىنگەن اگەنتتىك حابارلاماسىندا.
بۇعان دەيىن الماتى وبلىسى جەمقورلىققا قارسى كۇرەس قىزمەتىنىڭ ماماندارى اۋدان اكىمى سەرىكجان ەرەكەشيەۆتى پارا الدى دەگەن كۇدىكپەن ۇستاعانى حابارلانعان.
شەنەۋنىك مەردىگەر ۇيىم ديرەكتورىنان ورىندالعان جۇمىستار اكتىسىنە قول قويعانى ءۇشىن 10 ملن تەڭگە پارا الدى دەگەن كۇدىككە ىلىنگەن.
سەرىكجان ەرەكەشيەۆ تالعار اۋدانىنىڭ اكىمى قىزمەتىنە 2020 جىلدىڭ تامىز ايىندا تاعايىندالعان بولاتىن.
پىكىر قالدىرۋ