دۇنيەجۇزىلىك دەنساۋلىق ساقتاۋ ۇيىمىنىڭ تەرگەۋشىلەر توبى سارسەنبىدە ۋحان ۆيرۋسولوگيا زەرتحاناسىنا باردى. كەيبىر ساراپشىلار "كوروناۆيرۋس سول زەرتحانادان باستاپ تارالعان" دەپ بولجايدى.
ددسۇ تەرگەۋشىلەرى وتكەن اپتادا 14 كۇندىك كارانتين مەن بيۋروكراتيالىق كىدىرىستەن كەيىن قىتايدىڭ ورتالىق قالاسىندا زەرتتەۋ جۇمىستارىن باستادى. ولاردىڭ جۇمىسى قىتايدىڭ وزىندە دە، وزگە ەلدەردە دە قاتتى باقىلاۋ مەن ساياسي قىسىمعا ۇشىرادى.
ۋحانداعى ۆيرۋسولوگيا ينستيتۋتىنىڭ زەرتحاناسى جانە وعان قاتىستى بىرنەشە ورىن پاندەميانىڭ كوزى رەتىندە بولجانىپ، داۋلى مالىمدەمەلەرگە سەبەپ بولعان. اقش-تىڭ بۇرىنعى پرەزيدەنتى دونالد ترامپ اكىمشىلىگىنىڭ شەنەۋنىكتەرى زەرتحانانى "كوروناۆيرۋستىڭ شىعۋ تەگى بولۋى مۇمكىن" دەپ جاريالاعان.
جۇڭگو عىلىم اكادەمياسى يەلىگىندەگى زەرتحانا بەيجىڭنىڭ تىكەلەي باقىلاۋىندا جانە ەلدەگى ەڭ جوعارى دەڭگەيدە جابدىقتالعان جالعىز بيولوگيالىق زەرتتەۋ ورتالىعى.
پىكىر قالدىرۋ