ناسىلدىك ادىلەتسىزدىككە قارسى كۇرەسۋ ءۇشىن بۇكىل الەمدەگى ادامداردى شەرۋگە الىپ شىققان "Black Lives Matter" (قازاقشا: قارا ناسىلدىلەردىڭ ءومىرى ماڭىزدى) قوزعالىسى نوبەل سىيلىعىنا ۇسىنىلدى. نوميناسيانى ۇسىنعان نورۆەگيالىق دەپۋتات پيتەر ەيدە CBS News تەلەارناسىنا نە ءۇشىن ولاي ىستەگەنى تۋرالى ايتتى.
"Black Lives Matter – ناسىلدىك ادىلەتسىزدىككە قارسى كۇرەسەتىن الەمدەگى ەڭ ءىرى جانە ەڭ كۇشتى قوعامدىق قوزعالىس دەپ سانايمىن" دەدى 61 جاستاعى ەيدە CBS News تەلەارناسىنا.
– الەمدە ناسىلدىك ادىلەتسىزدىكتى، سونداي-اق تەڭسىزدىكتەردى، ەتنيكالىق جانە مادەني ايىرماشىلىقتاردى نەگىز ەتكەن قاقتىعىستار كوبەيىپ بارا جاتىر. ناسىلدىك ماسەلەلەر بويىنشا ءبىلىم مەن تۇسىنىكتى قالىپتاستىرۋ وتە ماڭىزدى دەپ سانايمىن،– دەدى ول.
پىكىر قالدىرۋ