الەۋمەتتىك جەلىدە ۆاكسينا سالدىرعاننان كەيىن قۇلاپ قالعان تالدىقورعاندىق مەيىربيكەنىڭ ۆيدەوۇندەۋى تاراپ جاتىر. وبلىستىق اۋرۋحانانىڭ ينفەكسيالىق بولىمىندە ىستەيتىن مەيىربيكە ەسىنەن تانۋىنا بايلانىستى تاراعان كەيبىر اقپارات جالعان ەكەنىن جەتكىزدى.
– كەشە №2 ەمحاناعا COVID-19-عا قارسى ۆاكسينا الۋعا باردىق. ۆاكسينا الار الدىندا ۋايىمداعاننان كەيىن جۇرەگىمنىڭ سوعىسى قاتتى بولىپ، سول جەردە ماعان العاشقى كومەك كورسەتىلدى. العاشقى كومەك كورسەتىلگەننەن كەيىن جاعدايىم جاقسارىپ ۇيگە قايتتىم. ال ينستاگرام جەلىسىندەگى مەنى "سول جەردە تالىپ قالىپتى"، مەنى "جانساقتاۋ بولىمىنە الىپ كەتىپتى" دەگەن اقپاراتتىڭ ءبارى جالعان ەكەندىگىن ايتقىم كەلەدى، – دەدى مەيىربيكە.
قازىرگى ۋاقىتتا مەيىربيكە ءوزىنىڭ جۇمىستا وتىرعانىن جانە جاعدايى جاقسى ەكەنىن ايتتى.
3 اقپاندا تالدىقورعاندىق مەيىربيكە رەسەيلىك "سپۋتنيك V" ۆاكسيناسىن سالدىرعاننان كەيىن ەسىنەن تانىپ قالعانى حابارلانعان.
كەيىننەن قازاقستاننىڭ دەنساۋلىق ساقتاۋ ۆيسە-مينيسترى اجار عينيات مەيىربيكەنىڭ ۆاكسينا سالدىرعاننان كەيىن قۇلاپ قالۋى "ۆاكسينانىڭ اسەرىنەن ەمەس" ەكەنىن مالىمدەگەن.
پىكىر قالدىرۋ