پرەمەر-مينيستر اسقار مامين "Digital Almaty 2021" فورۋمىنا قاتىسۋشىلارعا بەينەۇندەۋ جاسادى.
– پاندەميا جاعدايىندا قازاقستان ەكونوميكاسى تۇراقتىلىقتىڭ جوعارى دەڭگەيىن كورسەتكەنىنە قۋانىشتىمىن. بۇل نەگىزىنەن مەملەكەتتىك جانە جەكە مەنشىك سەكتورلاردىڭ بارلىق سالالارىنا سيفرلىق شەشىمدەردىڭ ەنۋىمەن بايلانىستى. شەكتەۋلەرگە قاراماستان، ءبىز سيفرلىق ينفراقۇرىلىمنىڭ قولجەتىمدىلىگى مەن ساپاسىن ارتتىرۋ بويىنشا جۇمىستى جەدەلدەتتىك. 2020 جىلى 20 مىڭ شاقىرىم تالشىقتى-وپتيكالىق بايلانىس جەلىسىنىڭ قۇرىلىسى بويىنشا مەملەكەتتىك-جەكەشەلىك ارىپتەستىك جوباسى اياقتالدى. ءموبيلدى بايلانىستىڭ مىڭنان استام بازالىق ستانسياسى ورناتىلدى. بۇل وڭىرلەردەگى تەحنولوگيالىق تەڭسىزدىك دەڭگەيىن ايتارلىقتاي قىسقارتۋعا مۇمكىندىك بەردى. ناتيجەسىندە قازاقستان حالقىن ينتەرنەتپەن قامتۋ بۇگىندە 99 پايىزدى قۇرايدى، – دەدى پرەمەر-مينيستر.
پىكىر قالدىرۋ