پرەزيدەنت قاسىم-جومارت توقايەۆ "Digital Almaty 2021" فورۋمى قاتىسۋشىلارىنا بەينەۇندەۋ جاسادى. بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي Facebook پاراقشاسىندا جازدى.
اتالعان شاراعا ەاەو ۇكىمەتتەرىنىڭ باسشىلارى، ەۋرازيالىق كوميسسيا جانە تمد اتقارۋ كوميتەتىنىڭ جەتەكشىلەرى، سونىمەن قاتار، سيفرلاندىرۋ سالاسىنىڭ ساراپشىلارى مەن ماماندارى قاتىسىپ جاتىر.
– قازاقستان پرەزيدەنتى پاندەميادان كەيىنگى كەزەڭدەگى سيفرلاندىرۋ ماسەلەسى جايىنداعى ويىمەن ءبولىستى. "بولاشاق – تەحنولوگيالار مەن يننوۆاسيالاردىڭ ەنشىسىندە ەكەنىن جاقسى تۇسىنەمىز"، – دەدى قاسىم-جومارت توقايەۆ.
"مەملەكەت باسشىسى قازاقستاندا جاساندى ينتەللەكت تەحنولوگيالارىن جانە اۋقىمدى دەرەكتەردى تالداۋدى دامىتۋ تۋرالى ايتتى. بۇدان بولەك پرەزيدەنت ەاەو ەلدەرىنىڭ سيفرلىق ىنتىماقتاستىعى بويىنشا ءبىرقاتار وزەكتى باعىتتاردى اتاپ ءوتتى" دەلىنگەن جەلىدەگى جازبادا.
پىكىر قالدىرۋ