ۆلاديمير ءپۋتيندى ليۆيالىق تيران مۋاممار كاددافي سياقتى رەسەيلىك نارازىلىق بىلدىرۋشىلەر ءولتىرۋى مۇمكىن. بۇل تۋرالى رەسەيلىك-امەريكالىق ساراپشى يۋريي فەلشتينسكيي مالىمدەدى.

يۋريي فەلشتينسكيي پۋتين كاددافي سياقتى "ولتىرىلۋدەن قورقادى" دەيدى. ونىڭ پىكىرىنشە، رەسەيلىك دەمونسترانتتار وپپوزيسيونەر الەكسەي ناۆالنىيدىڭ تۇرمەگە قامالۋىنا اشۋلى.

ناۆالنىي 17 قاڭتاردا ماسكەۋگە ورالعاننان كەيىن دەرەۋ تۇتقىندالعان. وقيعا رەسەيدە نارازىلىق تۋدىرىپ، بۇكىل ەلدە جاپپاي شەرۋلەر بولدى. پۋتينگە قارسى نارازىلىقتى باسۋ كەزىندە پوليسيا 10 مىڭنان استام ادامدى تۇتقىندادى.

ەندى يۋريي فەلشتينسكيي رەسەي پرەزيدەنتى بيلىكتى ۇستاپ قالۋ ءۇشىن تەك رەپرەسسيانى كۇشەيتەتىنىن ايتتى جانە ونىڭ جاعدايىن 2011 جىلعى كاددافيمەن سالىستىردى.

رەسەيلىك-امەريكالىق اۆتوردىڭ ويىنشا، ناۆالنىيدىڭ قاماۋعا الىنۋى، سوعان بايلانىستى جالعاسىپ جاتقان نارازىلىقتار جانە وپپوزيسيانىڭ قاتتى قۋعىن-سۇرگىنگە ۇشىراۋى پۋتيننىڭ ەل ىشىندەگى قولداۋعا يە بولۋىن تومەندەتىپ جاتىر. سوندىقتان پۋتيندە بيلىكتەن ايىرىلىپ قالماۋ ءۇشىن نارازىلاردى باسىپ-جانىشتايتىن عانا تاڭداۋ بار.

فەلشتينسكييدىڭ پىكىرىنشە، پۋتيندە رەپرەسسيالىق تاسىلىنەن باس تارتسا، ءولتىرىپ كەتە مە دەگەن ۇرەي بار.

ساراپشى The Sun باسىلىمىنا "پۋتين ءوزىنىڭ باسقارۋ جۇيەسى قالىپتى ەرەجەلەر بويىنشا ءومىر سۇرە المايتىنىن بىلەدى. ول يدەاليست ەمەس" دەپ سۇحبات بەردى. 

– ول قىسىم جاساۋدى جالعاستىرماسا، ءتىرى قالۋدىڭ مۇمكىندىگى جوق ەكەنىن بىلەدى. ءپۋتيننىڭ سوڭعى وقيعالاردان سوڭ الاتىن ساباعى مىناۋ: ول باقىلاۋدى كۇشەيتۋى كەرەك جانە كوبىرەك رەپرەسسيا جاساۋى كەرەك. مۇنى ءبىز ەندى كورەتىن بولامىز، – دەدى ول.