نۇر-سۇلتانداعى وقۋشىلار سارايىنىڭ بۇرىنعى ديرەكتورى، ارداقتى ۇستاز، قايىمتانۋشى، ابايتانۋشى ەربول ىرگەباي دۇنيەدەن وزدى، دەپ حابارلادى zakon.kz سايتى.
– تاعى ءبىر ارداقتى قازاق ءوتتى ومىردەن!... قاي جەرگە بارسا دا قازاقى ءبولمىس-بىتىمىن سول جەرگە كوشىرە باراتىن وتە ۇلتشىل ەر ەدى. الاش ارىستارىنىڭ اماناتشىل ءىزى ەدى. سىرقات كۇيىنە قاراماي تاعى ءبىر مەكتەپكە قايىم مۇحامەدحاننىڭ اتىن الىپ بەرىپتى. وقۋشىلار سارايىنا قازاقى قان جۇگىرتىپ ەدى، وعان ءال-فارابيدىڭ اتىن اپەرگەن وسى كىسى ەدى. جارىقتىق-اي، كەرىلگەن كيىكتەي سۇلۋ دا، قىسقا عۇمىرىڭ بىزدەردى ويلاندىرىپ، وپىندىرىپ كەتتى. جانىڭىز ءجانناتتا بولعاي. ەربول اعا ءتىرى جۇرگەندە، ايتەۋىر ءبىر جەردە قازاققا پايدالى ءبىر ءىس ىستەلىپ جاتقانداي سەزىلىپ تۇرۋشى ەدى. امال جوق، – دەپ جازدى ۇلاربەك نۇرعالىم ۇلى.
ەربول ىرگەباي شىعىس قازاقستان وبلىسى ءۇرجار اۋدانىنىڭ تۋماسى. ءبىلىمدى ۇستاز، ۇلت جاناشىرى، 30 جىلدان استام ۋاقىت بويى شاكىرت تاربيەلەپ، ۇستازدىق ەتكەن. سونداي-اق نۇر-سۇلتان قالاسىنىڭ № 90 مەكتەپ-گيمنازياسىنىڭ ديرەكتورى قىزمەتتەرىن اتقارعان جانە قايىم مۇحامەدحانوۆتىڭ شىعارمالار جيناعىنىڭ 10 تومدىعىن قۇراستىرعان.
