الماتى تۇرعىنى Facebook-تەگى پاراقشاسىندا پوليسەيلەردىڭ ارەكەتىنە نارازى ەكەنىن جازدى. ويتكەنى بەلگىسىز ەكى ەر ادام وعان شابۋىل جاساعان، كەيىن پوليسيا قىزمەتكەرلەرى شابۋىلداۋشىلاردى ۇستاي سالا بوساتىپ جىبەرگەن. وسىلايشا، ولاردى قايتا ىزدەۋگە تۋرا كەلگەن. بۇل تۋرالى قامشى ءتىلشىسى Tengrinews.kz سايتىنا سىلتەمە جاساپ حابارلايدى. 

ونىڭ ايتۋىنشا، شابۋىل تۇنگى ساعات ءبىر شاماسىندا ەكى دوسىمەن دۇكەنگە بارا جاتقاندا بولعان.

"دۇكەن ماڭىندا ەكى دەنەلى ەر ادام سۇر ريۋكزاكتاعى جاس جىگىتتەن ءبىر نارسە تالاپ ەتىپ تۇردى. ولاردىڭ ءبىرى ءبىزدى كورىپ مەن جاققا قاراي جۇگىردى، ءبىز كولىككە قاراي بەت الدىق، ەكەۋى ارتىمىزدان كەلە جاتىر. ريۋكزاكتاعى جىگىت باسقا جاققا قاشىپ كەتتى. كولىككە جۇگىرىپ كىردىك، ول وتالعانشا جاڭاعى دەنەلى ەر ادامنىڭ ءبىرى ارتقى ەسىكتى اشتى. مەن ءجۇرىپ بارا جاتقاندا ارتقى تەرەزەمدى سىندىرىپ ۇلگەردى"، دەيدى زارداپ شەگۋشى.

وسىلايشا، ولار پوليسيا شاقىرىپ، بۇزاقىلاردى ۇستاۋعا كومەكتەسكەن.

– الدىمەن پاترۋلدەر ولاردى جىبەرە سالدى. "بۇل ولار ەمەس، مىنالار ساۋ" دەدى. ءبىز ولاردى وسى ۋاقىت بويى باقىلاعانىمىزدى تۇسىندىرۋگە تىرىستىق. ءبىراق بىزبەن سويلەسىپ جاتقاندا، انا ەكەۋى قاشىپ، ارى قاراي قىزىق بولدى: مەن پاترۋلگە وتىردىم دا ولاردى ىزدەستىرە باستادىق. جۇك كولىگىنىڭ ارتىنان تاپتىق، جاقىنداپ بارىپ، قۋىپ، 20 مينۋتتان كەيىن ۇستالدى. تاعى قايتالايىن: ولار بىردەن توقتاتىپ، ۇستاپ، الىپ كەتۋىنە بولار ەدى. ءبىراق ءبىزدىڭ پوليسيا وڭاي جول ىزدەمەيدى. بىرەۋى عانا ۇستالدى، 35-40-تا سياقتى، – دەيدى الماتىلىق.

كەيىن ۇستالعان ادام 2001 جىلعى وزبەكستان ازاماتى ەكەنى بەلگىلى بولعان.

– ءاىىب-عا بىزدەن كەيىن ەكىنشىسى كەلەدى، كوشەدە تۇرعانبىز، ول كەدەرگىسىز بولىمگە كىردى. پوليسەيلەر بىزگە ۇستالعان ادام يزولياتورعا قامالعانىن ايتتى، ال ەكىنشىسى كەلدى دەگەندە ەشكىم ەشتەڭە ىستەمەدى.

ارى قاراي نە بولدى؟ ءبىز ارىز جازدىق، سودان كەيىن نەگە ەكەنى بەلگىسىز تۇسىنىك حات جازدىق. ولار ەرتەڭ ۋچاسكەلىك پوليسيا قىزمەتكەرى قوڭىراۋ شالىپ، بارلىق ماسەلەنى شەشەتىنىن ايتتى. ءبىز 3 كۇن كۇتتىك. دۇيسەنبىگە دەيىن ەشتەڭە وزگەرمەسە، مەن پروكۋراتۋراعا جازامىن، – دەدى جابىرلەنۋشى.

ول كەلتىرىلگەن زالالدىڭ وتەلەتىنىنە سەنبەيتىنىن جانە كولىك اينەگىن ءوزى سالاتىنىن، ءبىراق پوليسيا قىزمەتكەرلەرىنىڭ ارەكەتىنە نارازى ەكەنىن جازدى. 

الاتاۋ اۋداندىق پوليسيا باسقارماسىنىڭ باسشىسى پودپولكوۆنيك ءىلياس ومىرسەرىكوۆ الماتىلىقتىڭ جازباسىنا تۇسىنىك بەرە وتىرىپ، بۇل ءىس بويىنشا تەكسەرۋ ءجۇرىپ جاتقانىن ايتتى.

"قۇقىقبۇزۋشى – قازاقستان رەسپۋبليكاسىندا ءجۇرۋ ەرەجەلەرىن بۇزعان وزبەكستان ازاماتى، ونى كوشى-قون قىزمەتىندەگىلەر الماتى پد قابىلداۋ-تاراتۋ ورنىنا قامادى. ول سىزگە قاتىستى زاڭسىز ارەكەتتەر جاساعانى ءۇشىن مىندەتتى تۇردە قولدانىستاعى زاڭناماعا سايكەس جاۋاپقا تارتىلاتىنىن حابارلايمىز" دەپ سەندىردى ومىرسەرىكوۆ.

ونىڭ ايتۋىنشا، ماتەريال الاتاۋ اۋداندىق پب جەرگىلىكتى پوليسيا بولىمىندە.