گازدىڭ جارىلۋى سەبەبىنەن بولعان اپاتتا ءولىم اۋزىنان امان قالعان ادام "كەڭىستىكتەن ءوز دەنەسىن كورگەنىن" ايتتى. بۇل تۋرالى لوندوندا شىعاتىن Daily Express باسىلىمى "بۇل ولىمنەن كەيىنگى ءومىر مە؟" دەپ، زەرتتەۋشلىرەدىڭ پىكىرىن جازدى.
زەرتتەۋشىلەر "مەن دەنەمنەن ۋاقىتشا شىعىپ كەتتىم" دەگەن ادامنىڭ مالىمەتتەرىن جاريالادى. ءوزىن تەك دەيۆ دەپ تانىستىرعان ادام ءوزىنىڭ باستان كەشكەن وقيعاسىن "ءولىمنىڭ تاجىريبەسىن زەرتتەۋ قورىمەن" (NDERF) ءبولىستى. دەيۆ 1976 جىلى ءوزىنىڭ اس ۇيىندە گازدىڭ قاشۋىنان بايقاۋسىزدا ۋلانىپ قالعان كەزدە "دەنەدەن تىس تاجىريبە" بولعانىن ايتتى.
"مەنىڭ ەسىمدە، سول كەزدە ەڭ قورقىنىشتى وقيعانى باستان وتكەردىم. مەن جاعدايدى باسقارا المايتىنىمدى جانە ولەتىنىمدى بىلەتىن قورقىنىش بولدى" دەگەن ول ەسىندە قالعان كەلەسى ءىس ءوز دەنەسىنە بەس فۋت جوعارىدان قاراپ تۇرعانىن ايتتى.
دەيۆتىڭ ايتۋىنشا، وعان ۋاقىت باياۋلاپ نەمەسە ماعىناسىن جوعالتقانداي بولعان.
ول "نانوسەكۋند ىشىندە نەمەسە ودان دا كوپ ۋاقىت ىشىندە" بولعانىن اجىراتا المادى.
دەيۆ سۇيىسپەنشىلىك نەمەسە كوتەرىڭكى كوڭىل-كۇي سياقتى كوتەرىلگەن ەموسيالاردى سەزبەگەن، كەرىسىنشە ونىڭ ەسىندە "ءبىرجولا" قالعانى بەلگىسىز جارىلىس.
سوڭىندا، دەيۆ ءوزىنىڭ دەنەسىنە ورالعانىن ەسىنە الدى جانە قورقىنىش سەزىمى مۇلدەم جوعالىپ كەتكەنىن ايتتى.
دەيۆ ادامداردىڭ دەنەدەن تىس جەردە ءومىر سۇرە الاتىنىنا سەنەتىنىن جەتكىزدى.
"دەگەنمەن دەيۆتىڭ تاجىريبەسى ەرەكشە ەمەس. ءولىم اۋزىندا بولعان كوپتەگەن ادامدار ۇقساس قۇبىلىستاردى سيپاتتايدى" دەپ جازدى باسىلىم.
بۇل ولىمگە جاقىن تاجىريبە رەتىندە بەلگىلى جانە كوبىنەسە جۇرەك توقتاۋى نەمەسە كلينيكالىق ولىممەن بايلانىستى.
كەيبىر ادامدار كوبىنەسە قاراڭعى تۋننەل ارقىلى جارىققا قاراي ۇشقانىن نەمەسە قايتىس بولعان جاقىندارىن كورگەنىن ايتادى.
تاعى ءبىر ءجيى ەستە قالاتىنى- ءتىرى قالعاندارىنىڭ ءوز دەنەلەرىنىڭ جوعارى جاعىندا قالقىپ ءجۇرۋى جانە اينالاسىنداعىلاردان گيپەر حاباردار بولۋى.
مەديسينا عىلىمدارى، دەگەنمەن، نە بولىپ جاتقانىن تابيعاتتان تىس زاڭدىلىقپەن تۇسىندىرمەيدى.
جاڭا تانىمال تەورياعا سايكەس، بۇلار قاتتى جاراقات العان ساتتە پايدا بولاتىن گالليۋسيناسيالار.
گالليۋسيناسيا ميعا وتتەگىنىڭ جەتىسپەۋشىلىگىنەن تۋىنداۋى مۇمكىن نەمەسە مي جاسۋشالارىنىڭ قۇرعاۋىنىڭ جاناما اسەرى بولۋى مۇمكىن.
تاعى ءبىر تەورياعا سايكەس، ادامدار ولگەندە اعزانىڭ "N، N-Dimethyltryptamine" پسيحودەليالىق حيميكاتىن جاسايتىنىن بولجايدى.
ال، اتاقتى استروفيزيك كارل ساگاننىڭ پايىمداۋىنشا، ونداي كەزدەردە ناۋقاستار تۋننەل ارقىلى وتكەندى ەسكە تۇسىرەدى، ال، بۇل "تۋۋ كانالىنان" وتكەن كەزدەگى ەستەلىكتەر بولۋى مۇمكىن.
بۇل تەورياعا سايكەس، سابيلەر مۇنداي ەستەلىكتەردى جەكىزە المايدى، سەبەبى ولار جەتكىلىكتى دامىماعان. دەگەنمەن، بۇل پىكىرمەن باسقا عالىمدار كەلىسپەيدى.
ال، وڭتۇستىك يللينويس ۋنيۆەرسيتەتىنىڭ قىزمەتكەرى كارل ب.بەككەر جازعان ماقالادا "عىلىمي تۇرعىدان العاندا، سابيلەر ساگاننىڭ تەورياسىنىڭ دۇرىس ەكەنىن دالەلدەي المايدى" دەپ جازىلعان.
پىكىر قالدىرۋ