قازاقستاندا ىندەت كەزىندە اجىراسۋ ءۇش ەسە، ال ۇيلەنۋ 16 پايىزعا ازايعان. بۇل تۋرالى  Ranking.kz. حابارلادى.

وتكەن جىلدىڭ ءۇش توقسانىندا 87،6 مىڭ ۇيلەنۋ، 17،3 مىڭ اجىراسۋ تىركەلسە،  2019 جىل مەن سالىستىرعاندا، ۇيلەنۋ 15،7 پايىزعا، اجىراسۋ 2،6 پايىزعا قىسقارعان. 

سايت مالىمەتىنشە، كوپتەگەن ەلدە جاعداي باسقاشا. BBC News مالىمەتىنشە، 2020 جىلى كارانتين كەزىندە اجىراسۋ سانى كوپ بولعان. ماسەلەن ۇلىبريتانيادا رەسمي اجىراسۋلار سانى شامامەن 20 پايىزعا ارتقان.  

2020 جىلعى قاڭتار-قىركۇيەكتەگى اجىراسۋ مەن نەكە قاتىناسى – 19،8 پايىزبەن رەكوردتىق تومەن كورسەتكىش كورسەتتى.  2019 جىلى بۇل كورسەتكىش، كەرىسىنشە، 43،5 پايىزبەن جوعارى رەكوردتىق تەرىس مانگە يە ەدى. 

ەلدەگى وتكەن جىلدىڭ قاڭتار-قىركۇيەگىندە تىركەلگەن 69 پايىز نەكە قالادا بولعان: 60،4 مىڭ - وتكەن جىلمەن سالىستىرعاندا 17،5 پايىز تومەن. ال اۋىلدى ايماقتارداعى نەكە سانى 11،6 پايىزعا - 27،2 مىڭعا ازايعان. 

ەلدەگى 2020 جىلدىڭ قاڭتار-قىركۇيەگىندە تىركەلگەن 73،4 پايىز اجىراسۋ قالادا بولعان - 12،7 مىڭ، ال اۋىلدى ايماقتاردا 26،6 پايىز - 4،6 مىڭ. ورتاق كورسەتكىش 2،6 پايىزعا قىسقارعان. 

قازاقستاننىڭ بارلىق وڭىرىندە ۇيلەنۋ سانى قىسقارعان. مىسالى شىمكەنتتە 27،4 پايىزعا، قوستاناي وبلىسىندا 19،8 پايىزعا جانە الماتىدا 18،3 پايىزعا، قىزىلوردا وبلىسىندا 10،2 پايىزعا، پاۆلودار وبلىسىندا 10،5 پايىزعا جانە تۇركىستان وبلىسىندا 11 پايىزعا ازايعان. 

اجىراسۋ سانى دا ەلىمىزدىڭ ءبىراز وڭىرىندە ازايعان. مىسالى قىزىلوردا وبلىسىندا 4 ەسە، اتىراۋ وبلىسىندا 3،7 ەسەگە جانە باتىس قازاقستان وبلىسىندا 3،1 ەسە ازايعان.