گۆينەيادا ەبولا ەپيدەمياسىنىڭ قايتا باستالعانىن حابارلادى  ريا نوۆوستي

گۆينەيانىڭ دەنساۋلىق ساقتاۋ مينيسترلىگى ەلدىڭ وڭتۇستىك-باتىسىنداعى، گۋەك سۋبپرەفەكتۋراسىندا ەبولا ەپيدەمياسىنىڭ قايتا باستالعانىن مالىمدەدى. بيلىكتىڭ مالىمدەۋىنشە ەبولا دەرتىنە باسىندا قاتتى ءمان بەرىلمەگەن، ءبىراق اتى جامان اۋرۋ 4 ادامدى اجال قۇشتىرعاننان كەيىن عانا ارەكەت باستاعان.  

– "وسى جاعدايدى ەسكەرە وتىرىپ حالىقارالىق دەنساۋلىق ساقتاۋ ەرەجەلەرىنە سايكەس، گۆينەيا ۇكىمەتى گۋەك سۋبپرەفەكتۋراسىندا، نزەرەكور پرەفەكتۋراسىندا ەبولا ۆيرۋسىنىڭ ەپيدەمياسى تۋرالى حابارلايدى"، - دەلىنگەن گۆينەيا پرەمەر-مينيسترىنىڭ Twitter-دەگى مالىمدەمەسىندە.

بيلىك ەبولا اۋرۋىنا كۇدىك تۋعىزعان بارلىق ادامدى وقشاۋلاۋعا، ەبولاعا توتەپ بەرۋ جونىندەگى ۇيلەستىرۋ جانە تەحنيكالىق كوميسسيانىڭ جۇمىسىن جانداندىرۋعا، گۋەكتە ناۋقاستارمەن جۇمىس ىستەيتىن ورتالىق اشۋعا، سونداي-اق ددۇ ارقىلى ۆاكسينالاردى ساتىپ الۋدى تەزدەتۋگە كەڭەس بەردى. 

ايتا كەتەيىك، 2016 جىلدان بەرى العاش رەت گۆينەيا زەرتحاناسىندا ەبولا ينفەكسياسىنىڭ العاشقى ءۇش جاعدايى تىركەلدى، دەپ ددۇ مالىمدەدى. تەرگەۋ جۇمىسى بويىنشا اۋرۋدىڭ العاشقى قۇربانى 28 قاڭتاردا قايتىس بولعان مەدبيكە ەدى. ونى جەرلەگەننەن كەيىن التى ادامدا دەنە قىزۋى كوتەرىلىپ، ەبولاعا ۇقساس بەلگىلەر بايقالعان. ولاردىڭ ەكەۋى قايتىس بولىپ، تاعى تورتەۋى اۋرۋحاناعا ءتۇستى.