الماتى، تالدىقورعان قالاسى جانە اتىراۋ، اقمولا، شىعىس قازاقستان، قاراعاندى وبلىستارىندا كارانتيندىك شەكتەۋ شارالارى كۇشەيتىلدى. بۇل تۋرالى وڭىرلەردىڭ باس سانيتار دارىگەرلەرى مالىمدەدى.
الماتى قالاسىنىڭ باس سانيتار دارىگەرى جانداربەك بەكشين كارانتين شارالارىنا وزگەرىستەر مەن تولىقتىرۋلار ەنگىزدى.
قاۋلىعا سايكەس:
- ساۋدا جانە ويىن-ساۋىق ورتالىقتارىنىڭ، ساۋدا ۇيلەرى مەن ساۋدا جەلىلەرىنىڭ جۇمىسىنا تۇراقتى رەجيمدە رۇقسات ەتىلەدى؛
- ۇجىمدىق ءىس شارالاردى وتكىزۋگە تىيىم سالىنادى؛
- جۇمىس جانە دەمالىس كۇندەرى اشىق ازىق-تۇلىك جانە ازىق-تۇلىك ەمەس بازارلارىنا شتاتتىق رەجيمدە جۇمىس ىستەۋىنە رۇقسات ەتىلەدى. ادام تولىمدىلىعى 30%-دان اسپايتىن جانە 4 شارشىدان كەم ەمەس جابىق جانە ازىق-تۇلىك ەمەس جابىق بازارلارعا الەۋمەتتىك اراقاشىقتىقتى، ماسكا رەجيمىن، سانيتارلىق-دەزينفەكسيالىق رەجيمدى قاتاڭ ساقتاي وتىرىپ، رۇقسات بەرىلەدى؛
- حالىققا قىزمەت كورسەتۋ ورتالىقتارىنا ادامدار الدىن-الا جازىلۋ بويىنشا قابىلدانادى؛
- 50 ادامعا دەيىن قاتىساتىن مادەني نىساندار مەن كونسەرت زالدارىنىڭ جۇمىسىنا (رەپەتيسيا)، زالداردى 30%-دان اسپايتىن تەاترلاردىڭ، كينوتەاترلاردىڭ جۇمىسىنا رۇقسات ەتىلەدى؛
- ءدىني وبەكتىلەردىڭ قىزمەتىنە رۇقسات ەتىلەدى.
اتالعان قاۋلى 15 اقپان كۇنى كۇشىنە ەنەدى.
تالدىقورعان قالاسىنىڭ باس سانيتار دارىگەرى ە. ءاسىمقۇلوۆ كارانتيندىك جاڭا شەكتەۋ شارالارى 15 اقپان ساعات 7:00-دەن باستاپ كۇشىنە ەنەتىنىن ەسكەرتتى.
قاۋلىعا سايكەس:
- 50 ورىننان جوعارى قوعامدىق تاماقتانۋ وبەكتىلەرىنىڭ جۇمىسى توقتاتىلادى؛
- مادەني، بۇقارالىق، سپورتتىق ءىس-شارالاردى وتكىزۋگە تىيىم سالىنادى؛
- جەكە كەزدەسۋلەر (جينالىس، سەمينار، ترەنينگ، فورۋم، كونفەرەنسيالار) وتكىزۋگە تىيىم سالىنادى؛
- بانك پوچتا بولىمشەلەرى جانە حالىققا قىزمەت كورسەتۋ ورتالىقتارىنا الدىن-الا جازىلۋ بويىنشا بارۋى ءتيىس.
اتىراۋ وبلىسىنىڭ باس سانيتار دارىگەرى م. تاناۋوۆتىڭ قاۋلىسى 11 اقپان ساعات 00:00-دەن باستاپ كۇشىنە ەندى.
"اتىراۋ وبلىسى تۇرعىندارى اراسىندا كوروناۆيرۋس ينفەكسياسىنىڭ الدىن-الۋعا قاتىستى شارالار تۋرالى" باس مەملەكەتتىك سانيتار دارىگەرىنىڭ 2021 جىلدىڭ 10 اقپانداعى №3 قاۋلىسىنا وزگەرىستەر ەنگىزىلدى.
باس سانيتار دارىگەردىڭ قاۋلىسىندا تومەندەگىدەي تالاپتار بار:
- قوعامدىق تاماقتانۋ ورىندارىندا تاماقتانۋ كەزىندە الەۋمەتتىك اراقاشىقتىقتى ساقتاي وتىرىپ جانە 5 (بەس) جاسقا دەيىنگى بالالاردى كوسپاعاندا، قوعامدىق ورىنداردا، تۇرعىنداردىڭ بارۋىنا جانە دەمالۋىنا، قىزمەت كورسەتۋگە ارنالعان ورىنداردا، قوعامدىق كولىكتەردە مەديسينالىق نەمەسە ماتا بەتپەردەلەردى كيۋ مىندەتتى؛
- 65 جاستان اسقان ادامدارعا ازىق-تۇلىك، دارى-دارمەك پەن مەديسينالىق بۇيىمداردى، قاجەتتى تاۋارلاردى ساتىپ الۋدى، سونداي-اق مەديسينالىق مەكەمەلەرگە بارۋدى قوسپاعاندا اسا قاجەتتىلىك بولماسا تۇرعىلىقتى جەرىنەن شىقپاۋى ءتيىس؛
- بارلىق وبلىس تۇرعىندارىنا حالىق كوپ شوعىرلاناتىن جەرلەرگە بارماۋعا، الەۋمەتتىك اراقاشىقتىقتى ساقتاۋعا، بەتپەردە ءتارتىبىن جانە جەكە باس گيگيەناسىن ساقتاۋى ءتيىس؛
- مەرەكەلىك، ويىن-ساۋىق، كوپشىلىك مادەني، سپورتتىق، ءبىلىم بەرۋ ءىس-شارالاردى، كورمەلەردى، كورپوراتيۆتى، فورۋمداردى، كونفەرەنسيالاردى، سونداي-اق وتباسىلىق، ەستەلىك ءىس-شارالاردى وتكىزۋگە تىيىم سالىنادى؛
- ءدىني وبەكتىلەر (مەشىتتەر، شىركەۋلەر، سوبورلار، سيناگوگالار جانە باسقالار) تولتىرىلۋى 30% - دان اسپايتىن جانە ءبىر كەلۋشىگە كەمىندە 5 م2قامتاماسىز ەتە وتىرىپ، جۇمىس كۇندەرى عانا جۇمىس ىستەۋگە رۇقسات ەتىلەدى؛
- سۇلۋلىق سالوندارى، شاشتارازدار، كوسمەتولوگيالىق قىزمەت كورسەتەتىن وبەكتىلەر الدىن الا جازىلۋ بويىنشا (وبەكتىنىڭ تولتىرىلۋى 1 كەلۋشىگە كەمىندە 4 شارشى مەتر ەسەبىمەن) شتاتتىق رەجيمدە جۇمىس كەستەسىن بەلگىلەي وتىرىپ رۇقسات ەتىلەدى.
شىعىس قازاقستان وبلىسىنىڭ باس سانيتار دارىگەرى ح. يليۋبايەۆ كوروناۆيرۋس ينفەكسياسىن الدىن الۋ ءۇشىن ءوز قاۋلىسىنا جاڭا وزگەرىستەر مەن تولىقتىرۋلار ەنگىزدى.
"شقو-دا 14 اقپاننان باستاپ 27 اقپانعا دەيىن شەكتەۋ شارالارى ۇزارتىلسىن" دەلىنگەن قۇجاتتا.
قاۋلىعا سايكەس:
- بۇقارالىق وتباسىلىق، سالتاناتتى، ەسكە الۋ ءىس-شارالارىنىڭ (بانكەتتەر، ۇيلەنۋ تويلارى، مەرەيتويلار، اس بەرۋ)، ونىڭ ىشىندە ۇيدە وتكىزىلۋىنە تىيىم سالىنادى؛
- ادامدار كوپ جينالاتىن جەرلەردە، ونىڭ ىشىندە جابىق ءۇي-جايلاردا جانە بۇقارالىق تەاترلاندىرىلعان قويىلىمداردىڭ، انيماتورلار مەن قۋىرشاقتار قىزمەتتەرىنىڭ، شوۋ-باعدارلامالاردىڭ، كونسەرتتەر مەن باسقا دا بۇقارالىق ءىس-شارالاردىڭ وتكىزىلۋىنە تىيىم سالىنادى؛
- قۋاتى 150 ادامعا دەيىن، تولتىرىلۋى 25%-دان اسپايتىن اۋىلدىق جەرلەردە ورنالاسقان مەشىتتەردى قوسپاعاندا، مەشىتتەردە جۇما نامازىنىڭ وتكىزىلمەۋى ءتيىس؛
- قوعامدىق ورىنداردا، ونىڭ ىشىندە اۆتوبۋس ايالدامالارىندا جانە قوعامدىق كولىكتە، ونىڭ ىشىندە تاكسيدە ماسكا كيۋ رەجيمىن ساقتاۋى ءتيىس.
قوستاناي وبلىسىنىڭ باس سانيتار دارىگەرى ە. داۋلەتبايەۆ كوروناۆيرۋس ينفەكسياسىنىڭ تارالۋىن الدىن الۋ ماقساتىندا 4 اقپانداعى № 5 قاۋلىسىنا وزگەرىستەر مەن تولىقتىرۋلار ەنگىزدى.
باس سانيتار دارىگەردىڭ قاۋلىسىنا سايكەس:
-
2020-2021 وقۋ جىلىنىڭ ءۇشىنشى توقسانىندا كونتينگەنتى 300-گە دەيىن، سىنىپتارداعى بالالار سانى 15 ادامعا دەيىن قالالىق جانە اۋىلدىق مەكتەپتەردە ءداستۇرلى فورماتتا وقۋىنا رۇقسات ەتىلەدى؛
-
كوللەدجدەر مەن جوعارى وقۋ ورىندارىنىڭ I كۋرس ستۋدەنتتەرى ءۇشىن ەكىنشى سەمەستردەن باستاپ شتاتتىق وقۋعا رۇقسات بەرىلەدى؛
- ءبىلىم بەرۋ وبەكتىلەرىندەگى قوعامدىق تاماقتاندىرۋ وبەكتىلەرىنىڭ قىزمەتى جۇمىس جاسايدى؛
- (9، 11 (12) سىنىپتار) ءۇشىن اپتانىڭ 6 كۇنى ىشىندە ارالاس وقىتۋ:پاندەردىڭ 70% - ى شتاتتىق رەجيمدە، 30% - ى قاشىقتان وقىتىلادى.
قاۋلى 10 اقپان ساعات 00:00-دەن باستاپ كۇشىنە ەندى.
قاراعاندى وبلىسىنا قاراستى وساكاروۆ اۋدانىنىڭ باس سانيتار دارىگەرى گ. ن. روي كارانتين شارالارىنا قاتىستى جاڭا قاۋلىسىن جاريالادى.
اتالعان قۇجاتتا وساكاروۆ اۋدانىنىڭ مولودەجنىي كەنتىنىڭ اۋماعىندا شەكتەۋ شارالارىن كۇشەيتۋ جونىندە باس سانيتار دارىگەردىڭ №1 قاۋلىسىنا وزگەرىستەر مەن تولىقتىرۋلار ەنگىزۋ جونىندە 2021 جىلعى 21 قاڭتارداعى №2 قاۋلىسىنىڭ كۇشىن جويۋ تۋرالى قاۋلىسى قابىلداندى.
پىكىر قالدىرۋ