پارلامەنت ءماجىلىسىنىڭ ەڭ جاس دەپۋتاتى ءمادي احمەتوۆ facebook پاراقشاسىندا 1 ايدا اتقارعان جۇمىستارى تۋرالى جازدى.
ونىڭ ايتۋىنشا، بۇگىن قىزمەتكە كىرىسكەنىنە تۋرا 1 اي بولعان. وسى ارالىقتا "ەكولوگيا ماسەلەلەرى جانە تابيعاتتى پايدالانۋ" كوميتەتىنە مۇشە بولىپ، زاڭ جوبالارى بويىنشا ءۇش جۇمىس توبىنا كىرگەن.
– وتكەن اپتادا zoom ارقىلى Nur Otan پارتياسىنىڭ قوعامدىق قابىلداۋ بولمەسىندە 7 ايماقتان 15 ازاماتتى قابىلدادىم. قابىلداۋ بارىسىنداعى وتىنىشتەردىڭ باسىم كوپشىلىگى الەۋمەتتىك سالاعا قاتىستى. اتاپ ايتقاندا، جۇمىسقا ورنالاستىرۋ، ءۇي ماسەلەسىن شەشۋ، كۆوتا ارقىلى وتا جاساۋ، مۇگەدەكتىگى بار ازاماتتاردىڭ جاعدايىن جاقسارتۋ، اۋىلداعى ينتەرنەت ماسەلەلەرى كوتەرىلدى.
سونىمەن قاتار، ارىز بەرۋشىلەر جەرگىلىكتى مەملەكەتتىك ورگانداردىڭ ازاماتتاردىڭ ماسەلەلەرىن شەشۋدەگى نەمقۇرايلىعىن جەتكىزدى. قابىلداۋدىڭ قورىتىندىسى بويىنشا ارنايى حاتتاما ازىرلەنىپ، ءار ءوتىنىش باقىلاۋعا الىنىپ، جاۋاپتى مەملەكەتتىك مەكەمەلەرگە جولداندى.
سونداي-اق Nur Otan پارتياسىنىڭ رەسپۋبليكالىق قوعامدىق قابىلداۋ بولمەسىندە اقپان ايىندا ءبىرقاتار ۇكىمەت مۇشەلەرى دە ازاماتتاردى قابىلدايدى، – دەپ جازدى دەپۋتات.
پىكىر قالدىرۋ