پرەزيدەنت قاسىم-جومارت توقايەۆ باس پروكۋراتۋرانىڭ باسشىلىق قۇرامىمەن كەڭەس وتكىزدى، دەپ حابارلادى اقوردا سايتى.

توقايەۆ باقىلاۋشى ورگان وكىلدەرىنىڭ الدىنا ءبىرقاتار مىندەت قويدى.

پرەزيدەنت ازاماتتار مەن كاسىپكەرلەردىڭ قۇقىعىن مۇلتىكسىز قورعاۋدى ءبىرىنشى مىندەت رەتىندە اتادى. وتكەن 10 جىل ىشىندە مەملەكەتتىڭ بيزنەستى قولداۋ جونىندە جۇرگىزگەن جۇمىستارىنىڭ ارقاسىندا كاسىپكەرلەردى تەكسەرۋ 3 ەسەگە ازايدى.

ونىڭ ايتۋىنشا، ەنگىزگەن موراتوريي ءوز تيىمدىلىگىن كورسەتتى. ناتيجەسىندە شاعىن بيزنەستىڭ سۋبەكتىلەرىن تەكسەرۋ بىلتىردىڭ وزىندە 5 ەسەگە قىسقاردى. ءبىراق زاڭسىز تەكسەرۋلەر ءالى دە جالعاسۋدا.

– سوڭعى 3 اي ىشىندە بيزنەستى قولداۋ جونىندەگى ءموبيلدى توپقا وسىنداي دەرەكتەر بويىنشا كاسىپكەرلەردەن 500-دەن اسا شاعىم تۇسكەن. باقىلاۋشى ورگانداردىڭ بولماشى سەبەپتىڭ سوڭىن ناعىز رەپرەسسياعا اينالدىرىپ جىبەرەتىن جاعدايلارى ءجيى كەزدەسەدى. قۇجاتتار تارتىپ الىنادى.

ال ونى كاسىپكەرلەر ايلاپ قايتارىپ الا الماي جۇرەدى. جۇمىس ىستەۋدىڭ ورنىنا بۇكىل قىزمەتكەر تەرگەۋدە بولادى. مۇنداي كەلەڭسىزدىكتەرگە جول بەرۋگە بولمايدى. پروكۋرورلار كاسىپكەرلەر مەن بارلىق قۇقىق قورعاۋ ورگاندارىنىڭ اراسىنداعى قاتىناستاردا زاڭدىلىقتىڭ مۇلتىكسىز ساقتالۋىن قامتاماسىز ەتۋگە مىندەتتى، – دەدى توقايەۆ.