ەكس-دەپۋتات نۇرجان التايەۆ قازاقستاندىق وپپوزيسيا باس بىرىكتىرىپ جۇيەلى كۇشكە اينالۋى مۇمكىن ەكەنىن ايتتى. سونداي-اق ول ۇيقىشىل ۇكىمەتتىڭ ارەكەتىنە بۇدان ءارى توزە المايتىنىن جەتكىزىپ، ساياسي بەلسەندىلەر ءبىر جاعادان باس، ءبىر جەڭنەن قول شىعارىپ ارەكەت ەتپەك. بۇل تۋرالى ول "ينفورمبيۋرو" جاڭالىقتار قىزمەتىنە بەرگەن سۇحباتىندا ايتتى.

– قورقىپ، قورقىپ ونىڭ بارىنەن شارشادىق. ءقازىر كورىپ جاتىرمىز عوي، بيلىك بىلگەنىن جاساپ جاتىر، - دەيدى التايەۆ. 

ال، ەكس-دەپۋتاتتىڭ بۇل ارەكەتىن كەي قوعام بەلسەندىلەرى پيار دەپ ەسەپتەيتىندىگىن جەتكىزدى.

- وپپوزيسيانى بىرىكتىرۋ يدەياسى كەلگەن كەزدە ءبىرىنشى كەزدەسۋ كەرەك. سول سالادا جۇرگەن ازاماتتارمەن كەڭەسىپ بارىپ، شەشىم قابىلداۋ كەرەك. ال، ەگەر ولارمەن كەلىسپەي بۇقارالىق اقپارات قۇرالدارىنا شىعاتىن بولسا، ونىڭ ستراتەگيالىق ەمەس كوبىنەسە جارنامالىق پيارى كوپ دەگەن ءسوز، –  دەيدى  "ەكولوگيالىق اليانس" ءتوراعاسى ازاماتحان ءامىرتاي.

بەلسەندىلەر بيلىكتەن توپ ەتىپ تۇسكەندەرگە كۇمانمەن قارايتىن سىڭايلى. سول سەبەپتى، التايەۆتى ءبىرى قولداسا، ەكىنشىلەرى وپپوزيسيادا تاجىريبەسى از دەيدى. 

– بۇل بيلىكتىڭ كەزەكتى ءبىر جوباسى شىعار دەۋگە بولادى. مۇمكىن ول ازامات تا جەكە تۇتقيىلدان ءتۇس كورىپ وڭ اياعىنان تۇرىپ ويلانىپ، وسى وپپوزيسيانى مەن قوسپاسام كىم قوسادى دەپ تاۋەكەلگە كىرىسىپ كەتكەن شىعار. سولاي بولعاندا دا ول وپپوزيسياعا كەلۋ، ونى بىرىكتىرۋ وڭاي شارۋا ەمەس - دەيدى قوعام بەلسەندىسى رىسبەك سارسەنباي ۇلى. 

ازىرگە التايەۆتى 19 ادامنىڭ ىشىنەن ەرمۇرات ءباپي مەن توعجان قوجالييەۆا قولداپ وتىر.

جاقتاستار باس قوسىپ ەلدى ەلەڭ ەتكىزگەن ماسەلەلەردى بىر-ەكى ايدا ءبىر تالقىلاماق. تىركەلمەگەن پارتيا ءتوراعاسى جالعىزدىڭ ءۇنى شىقپايدى سوندىقتان وزگەلەرمەن بىرىككەن دۇرىس دەيدى. 

- ۇلكەن وزگەرىس كەرەك. قازىرگى، "نۇر وتان" پارتياسىمەن نەمەسە ۇكىمەتتە وتىرعان ازاماتتارمەن ەشقانداي وزگەرىس جاساۋعا مۇمكىن ەمەس - دەدى نۇرجان التايەۆ.