ۇكىمەت قاۋلىسىمەن تيمۋر مەكەش ۇلى جاقسىلىقوۆ ۇلتتىق ەكونوميكا ءبىرىنشى ۆيسە-مينيسترى قىزمەتىنە تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
تيمۋر جاقسىلىقوۆ 1968 جىلى شىعىس قازاقستان وبلىسىندا دۇنيەگە كەلگەن.
م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن تاريحشى، قازاق ەكونوميكا جانە قارجى ينستيتۋتىن ەكونوميست ماماندىعى بويىنشا ءتامامداعان. ساياسي زەرتتەۋلەر ينستيتۋتىنىڭ ساياسي عىلىمدار جانە مەملەكەتتىك باسقارۋ ماگيسترى.
ەڭبەك جولىن 1985 جىلى شىعىس قازاقستان گەولوگيالىق باسقارماسىنىڭ 2-رازريادتى جۇمىسشىسى بولىپ باستاعان.
2018 جىلى ەكى اي قىركۇيەكتەن قاراشاعا دەيىن ەلدىڭ سول كەزدەگى پرەزيدەنتى نۇرسۇلتان نازاربايەۆتىڭ كومەكشىسى بولعان.
2019 جىلعى جەلتوقساننان باستاپ قازىرگە دەيىن ماسكەۋ قالاسىنداعى ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى جونىندەگى ءمينيسترى لاۋازىمىن اتقاردى.
پىكىر قالدىرۋ