الماتىدا نان ساتىپ الۋعا شەكتەۋ قويىلدى. ەندى ءبىر ادامعا بەس ناننان ارتىق ساتىلمايدى.  بۇل تۋرالى الماتى قالاسى كاسىپكەرلىك جانە ينۆەستيسيالار باسقارماسىنىڭ باسپا ءسوز قىزمەتى مالىمدەدى.

نان ساتىلىمىنىڭ شەگى حبك "اقساي" كومپانياسىنىڭ دۇكەندەرىندە ورناتىلعان. بۇل تاجىريبە ءقازىردىڭ وزىندە قولدانىلۋدى. ولار قالالىقتارعا الاڭدايتىن ەشنارسە جوق ەكەنىن ايتتى. 

"كەي كەزدەرى مۇنداي شەكتەۋلەر ەنگىزىلىپ تۇرادى. بۇل – ۇنەمى جاسالاتىن تاجىريبە. اتالعان  شارالار تومەندەتىلگەن بولشەك ساۋدا باعاسىمەن نان تاپشىلىعىن بولدىرماۋ ءۇشىن قابىلدانۋدا. شىندىعىندا، ءبىز ونىمدەردىڭ باعاسىن بەكىتەمىز. الايدا ديللەرلەر قىمبات باعامەن قايتا ساتۋ ءۇشىن تاڭەرتەڭ ناننىڭ بارلىعىن ساتىپ الادى. سودان كەيىن تۇرعىنداردا قالادا نان جوق جانە ءبارى قىمبات دەگەن پىكىر قالىپتاسادى. شىندىعىندا ولاي ەمەس. سوندىقتان ءبىز ساتۋعا وسىنداي شەكتەۋلەر ەنگىزىپ جاتىرسىز"، – دەپ حابارلادى ولار. 

شەكتەۋ تەك فابريكانىڭ ساتۋ باعاسىمەن ساتىلاتىن فيرمالىق دۇكەندەرگە قاتىستى ەكەندىگى حابارلاندى. قالاداعى باسقا دۇكەندەردە مۇنداي شەكتەۋلەر جوق.

جالپى، "اقساي" حبك الەۋمەتتىك نان ءوندىرىسى بۇرىنعى دەڭگەيدە قالىپ وتىر. تيىسىنشە، قالانىڭ دۇكەندەرىن ونىمدەرمەن قامتاماسىز ەتۋ كولەمى ازايعان جوق. بۇعان دەيىن اكىمدىك اراسىندا جاسالعان كەلىسىم اياسىندا "اقساي" حبك فابريكادا ناننىڭ باعاسى 75 تەڭگەدەن بەكىتىلدى.