دۇنيەجۇزىلىك دەنساۋلىق ساقتاۋ ۇيىمى (ددسۇ) بۇكىل الەمدە Covid-19 جاعدايلارىنىڭ 17 پايىزعا تومەندەگەنىن جاريالادى. بۇل ءۇردىس التى ايماقتا تىركەلدى. دەگەنمەن ۆيرۋستىڭ جاڭا نۇسقالارىنا قاتىستى الاڭداۋشىلىق كۇشەيىپ كەلەدى.

ددسۇ-نىڭ سوڭعى ەسەبى بۇكىل الەمدە ءبىر اپتا ىشىندە كوروناۆيرۋستىڭ 3،15 ميلليون جاڭا جاعدايلارىن تىركەدى. بۇل الدىڭعى اپتادان 17 پايىزعا تومەن جانە ينفەكسيا ءتورت اپتا بويى تومەندەپ كەلەدى.

ءبىراق جاڭا Covid-19 شتاممدارىنىڭ پايدا بولۋىن زانە بۇكىل ەۋروپاداعى ۆاكسيناسيا ناۋقاندارىنداعى ساتسىزدىكتەردى ەسەپكە العاندا، پاندەميا ءالى دە ءقاۋپىن جويماعانىن اڭعارتادى.

ددسۇ افريكاداعى، امەريكاداعى، وڭتۇستىك-شىعىس ازياداعى، ەۋروپاداعى، شىعىس جەرورتا تەڭىزى مەن تىنىق مۇحيتىنىڭ باتىسىنداعى اپتا سايىنعى ەسەپتەردىڭ تومەندەگەنى تۋرالى حابارلاسا دا، ناقتى Covid-19 جاعدايى مەن رەسمي مالىمەتتەگى جاعدايدىڭ اراسىندا ۇلكەن ايىرماشىلىق بولۋى مۇمكىن دەپ بولجايدى. الايدا، قۇلدىراۋ ءۇندىستان، جاپونيا جانە يسپانيا سياقتى ەلدەردە ايقىن بايقالادى، ال فرانسيا مەن گەرمانيادا ناتيجە كورنەكتى ەمەس.

"بۇل، ارينە، جامان جاڭالىق ەمەس، ءبىراق ءبىز ونىڭ قانشالىقتى جاقسى ەكەنىن ءالى بىلەتىن بولامىز" دەدى لوندونداعى فرەنسيس كريك ينستيتۋتىنىڭ زەرتتەۋ ءبولىمىنىڭ جەتەكشىسى ۆيرۋسولوگ دجوناتان ستوي France24 باسىلىمىنا.