شقو پوليسيا دەپارتامەنتىنىڭ وزىندىك قاۋىپسىزدىك باسقارماسى الەۋمەتتىك جەلىدە ساۋنادا دەمالىپ جۇرگەن سۋرەتتەرى تاراعان سەمەي پوليسەيلەرىنە قاتىستى قىزمەتتىك تەرگەۋ جۇرگىزدى.
ۆەدومستۆو مالىمەتىنشە، بيىل 29 قاڭتار كۇنى سەمەيدە جەرگىلىكتى پوليسيا قىزمەتى بولىمشەسىنىڭ باسشىسى راشيت سۇڭعاتوۆ جانە ۋچاسكەلىك ينسپەكتورلار مونشا كەشەنىندە بولعان.
تەكسەرۋ ناتيجەلەرىنە سايكەس، قىزمەتتىك ءتارتىپتى بۇزعانى ءۇشىن ورتالىق پوليسيا ءبولىمىنىڭ جەرگىلىكتى پوليسيا قىزمەتى بولىمشەسىنىڭ باسشىسى ر.س.سۇڭعاتوۆ قىزمەتىنەن بوساتىلدى. ۋچاسكەلىك پوليسيا ينسپەكتورلارى قاتاڭ تارتىپتىك جاۋاپكەرشىلىككە تارتىلدى.
"سونىمەن قاتار ءوز مىندەتتەرىن ادال اتقارماعانى جانە جەكە قۇرامنىڭ باقىلاۋسىزدىعى ءۇشىن سەمەي پوليسيا باسقارماسى مەن سەمەي پوليسياسىنىڭ ورتالىق ءبولىمىنىڭ ءبىرقاتار لاۋازىمدى تۇلعاسى قىزمەتىنەن بوساتىلدى" دەلىنگەن حابارلامادا.
مونشا كەشەنىندە بولعان پوليسيا قىزمەتكەرلەرىنە قاتىستى ۋاكىلەتتى ورگانعا (شقو سانيتارلىق-ەپيدەميولوگيالىق باقىلاۋ دەپارتامەنتىنە) سانيتارلىق نورمالاردى ساقتاماعانى ءۇشىن اتالعان قىزمەتكەرلەردى اكىمشىلىك جاۋاپقا تارتۋ ءۇشىن ءتيىستى ماتەريالدار جولداندى.
– دەپارتامەنت باسشىلىعىمەن شقو پد جەكە قۇرامى اراسىندا ءتارتىپ پەن زاڭدىلىقتى ساقتاۋ بويىنشا قاجەت شارالار قابىلدانىپ جاتىر، بۇگىندە بۇل باسىم باعىتتاردىڭ ءبىرى بولىپ سانالادى. بىردە-بىر قىزمەتتىك-اسكەري ءتارتىپتى بۇزۋ نازاردان تىس قالمايدى. قىزمەتتىك-اسكەري ءتارتىپتى بۇزۋدىڭ ءاربىر دەرەگى بويىنشا مۇقيات تەكسەرۋلەر جۇرگىزىلەدى، كىنالى تۇلعالار مەن ولاردىڭ باسشىلارىنا تارتىپتىك سيپاتتاعى ەڭ قاتاڭ شارالار قابىلدانادى، – دەدى ۆەدومستۆو وكىلدەرى.
پىكىر قالدىرۋ